Video
Read full review
2024-01-20
777 views
店舖貨品種類繁多而且價格親民，由港式麵包、手工曲奇、人氣敲敲生日蛋糕、甜品、零食甚至賀年食品(例如手工蛋卷、笑口棗、牛耳、角仔等）都一應俱全，一站式搞掂晒早餐下午茶零食同特別日子，夠曬方便。-🌕開心果麻糬QQ球 $18激推！麻糬QQ球質地真係冇得頂，煙煙韌韌好𡁻口，而且size較一般連鎖店大，唔會唔夠喉！面層塗上一層開心果醬之外仲沾有滿滿開心果碎，非常足料。🌕肉鬆怪獸波 $15另一大推！表層沾滿紫菜肉鬆，內層有拉絲芝士，麵包鬆化有咬口，配料鹹中帶甜唔會膩，沙律醬唔會太多，食落又唔乾﹐口味大眾化，連屋企老人家都話好食。🌗麻糬曲奇🍪 $58曲奇共有八種口味，分別為伯爵茶、焙茶、泰式奶茶、抹茶、開心果、特濃朱古力粒粒、朱古力榛子脆脆及芝士味,每盒有四件曲奇, 口味隨機。今次我試嘅係伯爵茶、開心果、朱古力榛子脆脆、芝士味，當中較為推介伯爵茶味，一打開就聞到撲鼻而來嘅伯爵茶味，食落口味清爽，唔會太濃太甜。麻糬曲奇最緊要嘅就麻糬！呢個麻糬夠曬軟糯，搣開嘅時候有拉絲效果，買完放左一日依然Keep 到！🌗朱古力麻糬布丁蛋糕 $48朱古力蛋糕味道稍甜，適合多人分享；布丁偏流質，切開時會流到蛋糕表面，令蛋
-
開心果麻糬QQ球
$18
26 views
0 likes
0 comments
激推！麻糬QQ球質地真係冇得頂，煙煙韌韌好𡁻口，而且size較一般連鎖店大，唔會唔夠喉！面層塗上一層開心果醬之外仲沾有滿滿開心果碎，非常足料。
肉鬆怪獸波
$15
27 views
0 likes
0 comments
另一大推！表層沾滿紫菜肉鬆，內層有拉絲芝士，麵包鬆化有咬口，配料鹹中帶甜唔會膩，沙律醬唔會太多，食落又唔乾﹐口味大眾化，連屋企老人家都話好食。
麻糬曲奇
$58
13 views
0 likes
0 comments
麻糬曲奇
32 views
0 likes
0 comments
曲奇共有八種口味，分別為伯爵茶、焙茶、泰式奶茶、抹茶、開心果、特濃朱古力粒粒、朱古力榛子脆脆及芝士味,每盒有四件曲奇, 口味隨機。今次我試嘅係伯爵茶、開心果、朱古力榛子脆脆、芝士味，當中較為推介伯爵茶味，一打開就聞到撲鼻而來嘅伯爵茶味，食落口味清爽，唔會太濃太甜。麻糬曲奇最緊要嘅就麻糬！呢個麻糬夠曬軟糯，搣開嘅時候有拉絲效果，買完放左一日依然Keep 到！
朱古力麻糬布丁蛋糕
$48
18 views
0 likes
0 comments
朱古力蛋糕味道稍甜，適合多人分享；布丁偏流質，切開時會流到蛋糕表面，令蛋糕更加濕潤，味道唔會太甜，如果想食較為挺身嘅布丁質感，可以考慮先放雪櫃待其凝固（未知是否成功，因為蛋糕瞬間清空）；麻糬份量較少，主要集中放中間部份，口感上同蛋糕唔太夾，不過麻糬沾滿布丁醬黎食係幾唔錯。
手工蛋卷
$55
16 views
0 likes
0 comments
蛋卷每層較厚﹐質感偏向蛋撻嘅牛油皮，充滿牛油香同蛋香，味道簡單純粹。
焦糖爆谷
$28
18 views
0 likes
0 comments
內有蝴蝶型同蘑菇型爆谷，以蘑菇型為多，每粒爆谷都沾有焦糖，而且全部都充份爆開，唔見有未爆開硬磞磞嘅粟米粒~如果可以推出海鹽焦糖味，令味道嘅層次更豐富，相信會更加令人欲罷不能，一口接一口停唔到落黎。
Post
