Video
Read full review
2025-01-31
754 views
前捌哥，現佰古爹！上年捌哥 11月經營權到期後，老闆就照喺原地改名「佰古爹」（肉骨茶馬來西亞的名字）繼續主打馬拉菜，一樣無限添飲肉骨茶👍🏻，兩層牆身仍然有靚靚可愛貓貓壁畫🐱～🧈🍞鮮牛油咖央多士：$38咖央多士喺每次我食馬拉菜必叫嘅小食‼️ 滑溜牛油再配搭上芳香咖央😋，即叫即焗，令我流晒口水🤤，咸香可口😍！大家要趁熱食，快手打卡，我哋就掛住打卡就會令多士冧晒。🐷🍖豬髀骨肉骨茶：$106熱辣辣嘅飲骨茶最啱宜家乍暖還寒嘅天氣飲🥶🤤。原來有2個新張優惠😎：肉骨茶無限添飲🤩同埋晚市買一送一！所以我哋就揀咗豬髀骨肉同豆卜金菇🤤。豬髀骨肉嫩滑👍🏻，豆卜完全吸收哂肉骨茶精華😍，大滿足🫶🏻！🥄砂煲香爆銀針粉：$98‼️必叫，店員話每人都賣百幾煲🤩，建議嚟到嘅客人都要試下👍🏻。銀針粉一嚟到嘅時候香氣撲鼻，店家會用豬油渣🐷（少邪惡）爆香銀針粉，仲加咗辣椒🌶️，惹味香口🤤。而且面頭再加一隻蛋黃，店員建議我哋要篤穿蛋黃攪拌均勻再試銀針粉，好味加倍！大推👍🏻👍🏻～🥢香濃咖喱喇沙：$86我哋揀咗滲滲，即喺油麵加米粉😋，仲有豆卜、枝竹、魚片、芽菜完全吸收晒濃郁嘅咖喱汁，食落都有啲辣🥵，不過配埋飲品一齊食就啱啱好，天冷食啲辣
前捌哥，現佰古爹！上年捌哥 11月經營權到期後，老闆就照喺原地改名「佰古爹」（肉骨茶馬來西亞的名字）繼續主打馬拉菜，一樣無限添飲肉骨茶👍🏻，兩層牆身仍然有靚靚可愛貓貓壁畫🐱～
🧈🍞鮮牛油咖央多士：$38
咖央多士喺每次我食馬拉菜必叫嘅小食‼️ 滑溜牛油再配搭上芳香咖央😋，即叫即焗，令我流晒口水🤤，咸香可口😍！大家要趁熱食，快手打卡，我哋就掛住打卡就會令多士冧晒。
🐷🍖豬髀骨肉骨茶：$106
熱辣辣嘅飲骨茶最啱宜家乍暖還寒嘅天氣飲🥶🤤。原來有2個新張優惠😎：肉骨茶無限添飲🤩同埋晚市買一送一！所以我哋就揀咗豬髀骨肉同豆卜金菇🤤。豬髀骨肉嫩滑👍🏻，豆卜完全吸收哂肉骨茶精華😍，大滿足🫶🏻！
🥄砂煲香爆銀針粉：$98
‼️必叫，店員話每人都賣百幾煲🤩，建議嚟到嘅客人都要試下👍🏻。銀針粉一嚟到嘅時候香氣撲鼻，店家會用豬油渣🐷（少邪惡）爆香銀針粉，仲加咗辣椒🌶️，惹味香口🤤。而且面頭再加一隻蛋黃，店員建議我哋要篤穿蛋黃攪拌均勻再試銀針粉，好味加倍！大推👍🏻👍🏻～
🥢香濃咖喱喇沙：$86
我哋揀咗滲滲，即喺油麵加米粉😋，仲有豆卜、枝竹、魚片、芽菜完全吸收晒濃郁嘅咖喱汁，食落都有啲辣🥵，不過配埋飲品一齊食就啱啱好，天冷食啲辣野食👍🏼🤤！
🐷🐮🐥馬拉沙嗲串燒（半打）：$108
豬、牛、雞各2串
店家毫不吝嗇，沙嗲醬給滿滿🤩，多到就嚟跌出碟邊🤣。我心目中串燒排行榜喺串燒雞🐥，跟住喺串燒豬🐷同串燒牛🐮。串燒雞燒得啱啱好，有串燒嘅炭火味而雞肉都好嫩滑，而串燒豬同牛就一般，不過不失！
🐟馬拉燒魚肉（3件）：$38
第一次試馬拉燒魚肉，真係冇喺其他馬拉菜嘅餐廳食過🫢。做法首先要用竹葉包裹住魚肉，再用牙籤穿實，再拎去炭火燒。店家會用竹葉把魚肉壓扁，令到容易啲燒熟🔥。而竹葉嘅香味亦都會滲透入去個魚肉度，但又唔會令到魚肉好嚡，好特別嘅小食，值得一試😋。
☕️特色拉茶（熱）：$18
每次食馬拉菜必點飲品非拉茶莫屬‼️手絲滑拉茶👍🏻‼️加上天氣開始凍，飲完暖笠笠🥰～
☕️美祿（熱）：$22
總結：地道抵食馬拉菜😋👍🏻，環境企理光猛。而且店員會向每一枱食客問用餐滿意度👍🏻，個人就最鐘意砂煲香爆銀針粉、咖央多士同埋拉茶啦🤤！一定會嚟再encore，延續捌哥嘅美味馬拉菜～
Post
