Video
Read full review
2019-04-22
2542 views
嚟到復活假期尾聲，今日決定入去大澳走一轉，大澳除咗棚屋同埋漁村之外、最為吸引遊人嘅就是窄窄的主街道上，兩旁嘅商戶紛紛販賣著特產燒製的海產，包括：黃花魚子、魷魚乾、蝦乾⋯⋯仲有好多嘅清熱涼茶，例如紫背天葵、檸檬薏米水，非常值得一試呀！👍🏽行左半日大澳，見到呢度有間貓為主題嘅cafe，攰攰地就諗住入去飲番杯野休息下🤪 呢度守衛森嚴，踏入門口之前負責人會先要求客人用酒精搓手液清潔雙手、點餐以及逗留幾耐，至低消費係30分鐘，咁我同女朋友就揀咗1小時😊 當我哋正式踏入門口之際，其中一隻貓貓就突破左封鎖線跑左出去😂 （隻貓貓幾乖之後見佢返番入屋🐈）裏頭唔係好大，一眼睇晒，面積係村屋嘅size。入到去負責人安排左我哋坐係沙發位，不過梳化位已經比兩隻貓星人BB佔據，我同女朋友小心翼翼咁坐低因為怕整到BB🤭 其中一隻貓BB好懶訓，keep著訓到我地走先醒Cafe來的貓貓隨意地奔走，又唔會怕生寶嘅客人。同客人打成一片，成件事非常之融洽同埋溫暖🥰 嘢食同埋嘢飲方面，我覺得係大澳入面好食嘅嘢大有人在，呢一間Cafe醉翁之意唔係嘢食，而係志在讓客人可以感受一下同這班流浪貓仔相處，我印象頗為深刻嘅事有一隻貓仔係冇
嚟到復活假期尾聲，今日決定入去大澳走一轉，大澳除咗棚屋同埋漁村之外、最為吸引遊人嘅就是窄窄的主街道上，兩旁嘅商戶紛紛販賣著特產燒製的海產，包括：黃花魚子、魷魚乾、蝦乾⋯⋯仲有好多嘅清熱涼茶，例如紫背天葵、檸檬薏米水，非常值得一試呀！👍🏽
行左半日大澳，見到呢度有間貓為主題嘅cafe，攰攰地就諗住入去飲番杯野休息下🤪
呢度守衛森嚴，踏入門口之前負責人會先要求客人用酒精搓手液清潔雙手、點餐以及逗留幾耐，至低消費係30分鐘，咁我同女朋友就揀咗1小時😊 當我哋正式踏入門口之際，其中一隻貓貓就突破左封鎖線跑左出去😂 （隻貓貓幾乖之後見佢返番入屋🐈）
裏頭唔係好大，一眼睇晒，面積係村屋嘅size。入到去負責人安排左我哋坐係沙發位，不過梳化位已經比兩隻貓星人BB佔據，我同女朋友小心翼翼咁坐低因為怕整到BB🤭
其中一隻貓BB好懶訓，keep著訓到我地走先醒
Cafe來的貓貓隨意地奔走，又唔會怕生寶嘅客人。同客人打成一片，成件事非常之融洽同埋溫暖🥰
嘢食同埋嘢飲方面，我覺得係大澳入面好食嘅嘢大有人在，呢一間Cafe醉翁之意唔係嘢食，而係志在讓客人可以感受一下同這班流浪貓仔相處，我印象頗為深刻嘅事有一隻貓仔係冇咗一隻手，但係佢嘅活躍度係成間Cafe入邊最強😽 負責人亦都同我地分享左呢一隻貓嘅故事👍🏽
今天的體驗，令我知道並唔係家貓先得人鐘意，流浪貓兒們都有佢可愛嘅一面😊
p.s. 同貓貓們相處嘅時候大家要保持冷靜😂😂 唔需要刻意咁引佢哋，大家都知道貓貓係有性格嘅動物，好好咁用心感受就OK啦😽
——————————
食物質素：6/10
環境衛生：8/10
舒適度：8/10
服務：7/10
性價比：8/10
總評分：7.4/10
——————————
Post
