貓澳 (Closed)

一個Chill吓的地方，d貓貓好親人，衛生情況尚好，環境舒服。 十分Respect「大澳非茂里」嘅German同一班貓義工，係無私嘅大愛吖！入到去大澳就支持吓小店啦🐈#大澳流浪貓之家

原本到大澳一心想去貓cafe玩貓既，點知一入到cafe貓尿味非常濃烈，結果頂唔順即刻出返去。貓貓嘅嗅覺俾我哋人類更加敏銳，希望店主改善，提供舒適嘅環境比人類和貓貓。

一家大細4人第一次入大澳，諗住去捧場呢間Cafe. 門口掛牌寫12點開，我哋12點3去到都仲未開，咁我哋一直喺門口等，而入面係有個女人見到我哋，但一直唔理我哋。等左半個鐘頭，個女人出來掉垃圾，我問佢開未？佢就無端端同我講12歲以下小童唔入得。大佬，你如果唔比入，見有人出面等你都出來講聲，完全無禮無視客人，態度極差。其後有兩個女仔入去，個女人細细聲同兩個女仔講“我都要揾食........” 可能見小朋友消費唔高呱？ 呢d舖頭，貼埋錢我以後都唔會去.

專程放假帶一家大細入大澳玩一天，我也是愛貓之人，在openrice找了這間貓澳，店主態度極差，冷言冷語，好似不想做生意，只提供飲品，但特飲淡而無味(好似水)，價錢偏貴。

去過唔少貓cafe，伊到ge環境算好好，唔會太迫，令d貓可以好舒服自在。貓貓亦都好親人，有d仲會好主動走埋黎搵你，直接坐係你大髀，賴死唔走。 印象中店入面貼左告示講唔招呼12歲以下小朋友，因為好多時d小朋友都中意嚇d貓貓。告示亦有講唔可以夾硬抱起貓咪，唔可以打擾貓咪瞓教之類，睇得出店主好錫d貓咪，唔係為左做生意就任由d客點對d貓。 店主態度好直爽、親切，會好開心咁同你分享關於d貓ge事。 野飲方面都好好飲，唔會有奇怪藥水味，甜度都好適中。價格相宜，最低消費一杯野飲，大約每人40蚊到。 十分推介愛錫貓咪ge人到訪！小貓應該就快被領養走lu一不離二

嚟到復活假期尾聲，今日決定入去大澳走一轉，大澳除咗棚屋同埋漁村之外、最為吸引遊人嘅就是窄窄的主街道上，兩旁嘅商戶紛紛販賣著特產燒製的海產，包括：黃花魚子、魷魚乾、蝦乾⋯⋯仲有好多嘅清熱涼茶，例如紫背天葵、檸檬薏米水，非常值得一試呀！👍🏽行左半日大澳，見到呢度有間貓為主題嘅cafe，攰攰地就諗住入去飲番杯野休息下🤪 呢度守衛森嚴，踏入門口之前負責人會先要求客人用酒精搓手液清潔雙手、點餐以及逗留幾耐，至低消費係30分鐘，咁我同女朋友就揀咗1小時😊 當我哋正式踏入門口之際，其中一隻貓貓就突破左封鎖線跑左出去😂 （隻貓貓幾乖之後見佢返番入屋🐈）裏頭唔係好大，一眼睇晒，面積係村屋嘅size。入到去負責人安排左我哋坐係沙發位，不過梳化位已經比兩隻貓星人BB佔據，我同女朋友小心翼翼咁坐低因為怕整到BB🤭 其中一隻貓BB好懶訓，keep著訓到我地走先醒Cafe來的貓貓隨意地奔走，又唔會怕生寶嘅客人。同客人打成一片，成件事非常之融洽同埋溫暖🥰 嘢食同埋嘢飲方面，我覺得係大澳入面好食嘅嘢大有人在，呢一間Cafe醉翁之意唔係嘢食，而係志在讓客人可以感受一下同這班流浪貓仔相處，我印象頗為深刻嘅事有一隻貓仔係冇

係我同男朋友去既前2日我地就搵到依間貓貓cafe諗住預約啦，男朋友亦都有同店主預約，但預約當日店主已經已讀咗我地，我地就冇諗唫多2日後就直接去啦，去到見裏面有客就按咗門鐘，點知個店主一出到來就問你地來做咩？我地就好好禮貌唫同個店主講係咪可以入去坐低飲野食野架？然後個店主就話而到cafe來架之後就勁大力關返好對門。。。真心個句無論有幾出名又上曬電視話依間cafeD野幾好味都冇用，店主態度問題差到唫我就唔信會對D貓貓幾好囉，加上唫對D客就算D野今真係好味我相信個店凊唫既態度冇人會想來依間cafe第二次

早排去左大澳, 要搵食野既舖頭多的是, 難得咁遠來到, 當然要去探下貓貓cafe遇著假期日子, 店入面已經有兩三枱客, 有大人有小朋友, 幾熱鬧點左幾份小食同多士, 都幾好味, 以一間兼顧形式既小店來講, 味道唔錯來到貓店, 當然唔係來食咁簡單, 店入面既貓貓都好痴人, 亦好乖, 唔會走去攪客人既食物, 只會追住問客人拎D貓小食俾佢; 到店主放飯, 就齊齊就哂去開大餐, 好乖乖見到有其他食評對店主同小店有D意見, 將心比己, 呢間小店係兼顧性質, 店主放哂心機去照顧大澳既貓貓, 身同心都出哂力, 來到呢間小店,  如果可以放下食客心態, 享受一個同貓貓玩既時間, 大家都會開心D

第一次去貓貓cafe😽啲貓每隻都有自己的故事！好多之前都流浪貓貓黎🤣家下就變咗有人收養的貓貓！❤️❤️我地入去要洗手同除鞋！裏面有坐墊同沙發坐😳貓貓傾向訓沙發😳裏面有活潑又有斯文貓😄會同客人玩架🤤👍🏻 裏面有沙冰亦都有茶飲 我就揀咗大大一壺嘅茶飲 個茶叫做窈窕香茶👀👅兩個人飲都得啊👍🏻👍🏻😼又香😋😋😋仲有雞翼啊薯條食😆老闆娘都為我地登登加咗薯條量🍟🍟我地食耐咗少少 過賣收工時間 都冇話要趕我地走！由我地慢慢食😗我同男朋友唔小心倒咗啲茶落地😢又馬上幫我地抹😙冇咩抱怨 又話唔緊要！勁勁勁好人啊😳😳❤️😆

星期日，我們一班人有大有細，打算一試這舖頭，到達時已經一點多，但仍未開門，當日應開1200。我們見有店員入內便等人出來，有個女人遠說唔開，之後再走來大聲說:我地唔做細路生意，太嘈喇!我地得罪佢咩，佢咁巴閉點解唔一早掛個牌出黎話不招呼細路……呢間舖頭就算幾好味都唔好去，d meow meow 喺度住都唔會開心，我地就更嬲!

放假同朋友去大澳郊遊上虎山做偽文青影下相~間唔中去離島行下都幾開心! 而且有香港威尼斯之稱既大澳真係幾靚~沿途仲有好多小食添! 行完大澳又未夠鐘搭船, 就搵下有冇cafe坐下hea下啦結果就黎左呢間貓貓Cafe!一入去已經見到好多隻貓貓! 總有一隻係左近! 岩晒貓奴入去俾貓玩~而且佢地仲好乖! 任摸唔嬲添!棉花糖朱古力  棉花糖浮係朱古力上面好吸睛! 隻貓貓湯匙又可愛!朱古力又唔會太甜~ 真係一種幸福既享受!仲有貓貓簡介同關係圖架! 好打耳呀!

大澳都有貓cafe~其實就係以前既大澳貓社 係大澳流浪貓之家既創辦人開辦既 目的希望俾大家知道貓咪係大澳既一部份係值得大家一齊去保護佢地 同時教育大家對貓咪都一樣要有尊重Cafe入面有9隻貓咪駐場 佢地都係放養既 所以有時都會出左街玩 未必齊貓係到架 而且唔好期望佢地會好嗲好貪玩 呢到係設最低收費per hour而唔係設時間收費 食物既選擇唔多 反而係飲品比較多 質素ok既 而且唔算太貴 好可愛既貓形狀多士 輕輕烘過既多士微脆 配埋唔太甜既香滑綠茶醬 (仲有另外兩款味道：牛油砂糖、蒜蓉牛油) 味道都唔錯既 而且唔算話超貴 因為始終係cafe其實即係Cuppacinno 泡沫表面有貓咪圖案 而且用左一隻好靚好靚既杯盛載 連攪拌個支棍都係粉紅肉掌既造型 飲飲下 仲會有隻貓咪係杯中心慢慢出泥 真係好精緻 秒殺貓奴😍 其實咖啡味道就一般姐 唔係特別香 不過display真係好靚整體黎講 如果係大澳行到攰 入去飲杯野坐下睇下貓都幾悠閒寫意~ 不過如果真係淨係為左睇貓既話 穿梭係大澳街道時已經可以見到好多 唔洗特登去貓cafe 店舖出面仲有好多既貓咪精品買 全部都好特別好靚 不過價錢就偏貴

今天和女友專登去大澳貓社,本來想開開心心食過TEA和女友影下貓,一開始感覺幾好,貓貓也很熱情地自己走過來和你親近,和貓兒玩了一會,我和女友Order的蛋糕和飲品也送來了,杯咖啡還可以,蛋糕卻是一般超級市場冷凍櫃中的莎莉雪藏蛋糕,女友想在離開店舖之前再抱一抱那一隻bb貓,正當我想把bb貓抱起,忽然聽到店主說不要鑑硬抱起佢!跟住我女朋友話不如我地走啦,我們一共消費了125蚊(並不多)臨走前女友說想將剩下的75元捐給貓社,但店主連說話都不回,態度十分差劣,不管店主拯救流浪貓的理想有多麼的崇高,還是奉勸店主先學識怎樣待人接物.

週末和幾位朋友到大澳放鬆一下，在openrice看到這間以貓為主題的餐廳，就來試看看。從門口看到裡面的環境都看似舒適整潔，貓貓都乖乖的躺著。不過我在餐枱上發現有幾隻螞蟻，建議店主應多加注意衛生，不竟這裡多貓咪，也是為牠們著想。我們要求都不高，因為天氣太熱，想好好坐一下，只想隨便每個人吃點東西喝點飲料。我和友人點了“抹茶貓”，餐牌上寫了是沙冰來的，原本想天氣非常熱喝冰也可以，誰不知這杯“抹茶貓”不單沒有抹茶的味道，連冰也沒有！非常失望抹茶醬多士…抹茶醬只是普通韓國抹茶醬，而且醬的份量太少，吃兩三塊後醬已剩下不多，並沒有什麼驚喜，只是一塊普通再也普通不過的麵包。飛碟更是普通，而且餡料少，兼且份量細，有分莫名的空虛感。當然我們都有達到他們所謂的最低消費要求，價錢不是什麼大問題，食物質素尚可我也覺得可以體諒，不竟也知道店舖自稱目的是為流浪貓出分力，但店主對待客人的態度非常有問題。有位朋友走了過了看貓，在貓cafe輕輕摸一下貓本以為是很少的事，突然店主很惡的警告“貓訓咗唔好搞佢呀！”你要我尊重你的貓是可以，但態度有必要那麼惡劣？接著她跟她的朋友大聲說：“我當啲貓係仔女㗎，我辭咗份做咗十七年嘅政府

貓澳Meow，是大澳一間用貓咪做主題的café，。據說，Cafe內的貓都是流浪貓，店主German欲透過這間貓café帶出 - 流浪貓的品性不差，是絕對可以帶返屋企去飼養的訊息。當日所見，愛貓的German為了流浪貓，手早前更慘被貓抓傷了，包著繃帶!這兒，可說是流浪貓的幸福國度。小店除了提供咖啡、飲品和小食外，還有售賣貓貓精品等。此外，貓咪有的懶洋洋地躺著睡覺，小貓在逗著大貓嬉戲。喜歡貓咪人士，不妨到小店一遊。入店內前，要先洗手。店內衛生挺不錯的，空間感強，設有貓咪專用的上下格舒適木床，貓咪動作敏捷地自由爬上爬落，好不寫意的!小店裝潢予人清新脫俗之感，餐具也頗為美觀具特色。友人要了一杯抹茶貓拿鐵$48，據說過份甜膩了!小妹要了杯以淺藍色杯碟奉客的Cuppoccino$45，小貓咪的拉花圖案，實在太可愛了!只是，咖啡香氣和味道稍遜。飲完杯咖啡，發現杯子中間藏有一隻小貓。超級「奄尖」的蝸阿牛，要來了一杯凍C+檸檬咖啡$45，千叮萬囑店員要少冰少甜，溫度最好保持在常溫，真的非常「養生」，以及強人所難!離開時，店主要開餐，枱上放有蒸蟹，嘴饞小貓咪馬上爬上枱。。。。。。