檀島咖啡餅店 (Closed)

周日本來諗住hea食，係快餐店事旦買啲嘢食。但抵唔住想搵啲好地方好嘢食，最後我黎到逸東地下呢度。以前樓下呢度係有商店，唔真係屬於酒店嘅地方。依家收哂之後，改成food court，裝修好靚好特別，睇得出佢想打造更高級嘅酒店。叫咗個焗魚柳意粉，趁佢整緊即刻周圍行下。環境好舒適，帶有啲日式感，位置好足。如果唔係趕時間，我都想係度hea全日。始終新開，有啲鋪頭又唔係全日開，我諗晏就黎會好啲。焗咗有15分鐘有多，魚本身有炸過，味道一般，肉比較少。我諗都係堂食會好啲，始終有倒汗水流落去，會有啲影響。意粉可以鬆小小會好啲，汗只剛剛好，可以多番啲。嘢食一般，我建議係food court食，拎走係差小小。五十幾元無飲品，爭小小。