Video
Read full review
2022-10-13
143 views
今日介紹嘅餐廳位於佐敦上海街，餐廳為京滬上海小店，有別於傳統中式酒樓嘅裝修，餐廳啡灰白色作為主調，裝潢簡單。午市時段餐廳嘅人流絡繹不絕，就算係兩三點左右依然維持著八成滿。餐廳定價比一般上海店平，5:30之前亦無需要加一收費，如果平日的話更加唔需要茶芥。餐廳有唔同類型嘅推介小食，其中以上海生煎湯包做得最出色，比同類型連鎖店做得更加好。🌟招牌小籠包$38食上海嘢一定要叫嘅點心係小籠包，一籠有四個，一口大小，皮薄多湯汁，我哋亦都encore左一碟。第二碟嘅皮做得比第一點更加薄身。除咗招牌小籠包之外，餐廳亦提供黑松露小籠包同埋蟹粉小籠包。🌟上海生煎湯包$42上海嘅美食不得不提生煎包，由於即叫即煎製作需時，店員亦都提醒需要等候約20分鐘左右。如果大家想試的話，記得一坐低就叫咗先。上枱嘅時候生煎包非常之熱，外層煎得非常之香脆，就連生煎包嘅底都係脆口嘅。一般生煎包上枱之前已經索晒湯汁，基本上食落去嘅時候已經飲唔到湯，而呢間可以做到底層亦都有湯汁，推薦大家去食。🌟雞絲粉皮🌟高力豆沙除咗兩樣推薦嘅食物之外，我哋亦都叫咗其他嘢食，不過就普通正常水準。如果大家想食甜品的話，可以試吓流沙心太軟，食完之後睇返網
今日介紹嘅餐廳位於佐敦上海街，餐廳為京滬上海小店，有別於傳統中式酒樓嘅裝修，餐廳啡灰白色作為主調，裝潢簡單。午市時段餐廳嘅人流絡繹不絕，就算係兩三點左右依然維持著八成滿。餐廳定價比一般上海店平，5:30之前亦無需要加一收費，如果平日的話更加唔需要茶芥。餐廳有唔同類型嘅推介小食，其中以上海生煎湯包做得最出色，比同類型連鎖店做得更加好。
🌟招牌小籠包$38
食上海嘢一定要叫嘅點心係小籠包，一籠有四個，一口大小，皮薄多湯汁，我哋亦都encore左一碟。第二碟嘅皮做得比第一點更加薄身。除咗招牌小籠包之外，餐廳亦提供黑松露小籠包同埋蟹粉小籠包。
🌟上海生煎湯包$42
上海嘅美食不得不提生煎包，由於即叫即煎製作需時，店員亦都提醒需要等候約20分鐘左右。如果大家想試的話，記得一坐低就叫咗先。
上枱嘅時候生煎包非常之熱，外層煎得非常之香脆，就連生煎包嘅底都係脆口嘅。一般生煎包上枱之前已經索晒湯汁，基本上食落去嘅時候已經飲唔到湯，而呢間可以做到底層亦都有湯汁，推薦大家去食。
🌟雞絲粉皮
🌟高力豆沙
除咗兩樣推薦嘅食物之外，我哋亦都叫咗其他嘢食，不過就普通正常水準。如果大家想食甜品的話，可以試吓流沙心太軟，食完之後睇返網上食評覺得唔錯下次可以試。
📌上海點匠滬點小廚
佐敦上海街62號地下1號舖
🚇港鐵佐敦站 C2 出口, 步行約4分鐘
📍#佐敦
Post
