Video
Read full review
2022-10-12
668 views
估唔到佐敦都會有高質鐵板燒！友人表示呢度食過嘅龍蝦係最好味的🦞呢度好多時候都仲會有八折優惠，大家訂位嘅時候記得講出嚟唔好錯過啦！另外都好欣賞呢度嘅青檸花旗參茶🍵清新夠曬滋潤！- ✤ 𝟏𝟖層海膽杯一人前𝐎𝐦𝐚𝐤𝐚𝐬𝐞 $𝟏𝟑𝟖𝟖 ✰ 羽衣甘藍配無花果、玉子燒及日本白粟米 先黎一個清爽開胃以黑醋做𝐒𝐚𝐮𝐜𝐞嘅沙律開展味蕾；玉子燒嫩滑軟綿綿；日本白粟米未經烹調，𝟏𝟎𝟎%新鮮超級香甜🌽 ✰ 十八層海膽杯 超級𝐈𝐠𝐚𝐛𝐥𝐞記得一定要叫😆每層層次分明、食材新鮮足料：海量濃郁海膽𝐜𝐫𝐞𝐚𝐦𝐲十分、一咬三文魚籽油脂爆發鮮味十足、牡丹蝦鮮甜無比、仲有帆立貝、海葡萄、松葉蟹肉等！店員教落，打卡後，食嘅時候記得倒出黎攪拌均勻，先可以將所有材料完美融合！ ✰ 活龍蝦兩食 (+$𝟏𝟓𝟎轉全隻) 新鮮龍蝦師傅三兩下手勢就起好肉🦞一款係佈以拉絲芝士嘅忌廉烤龍蝦，拉絲效果十足，芝味無窮🧀；另一款以蝦頭膏混合牛油同海膽製成，味道超級濃厚，甘味得黎又唔會掩蓋到龍蝦，超級鐘意呢款，完全震撼了我👍🏻 ✰ 火焰海膽甲羅燒 上菜嘅時候會用火焰燒牛油紙，好似變魔術咁🪄底部係濃郁鮮味嘅蟹膏、混合鮮味十足漲卜卜嘅三文魚籽、墨魚籽以及大
-
✤ 𝟏𝟖層海膽杯一人前𝐎𝐦𝐚𝐤𝐚𝐬𝐞 $𝟏𝟑𝟖𝟖
✰ 羽衣甘藍配無花果、玉子燒及日本白粟米
先黎一個清爽開胃以黑醋做𝐒𝐚𝐮𝐜𝐞嘅沙律開展味蕾；玉子燒嫩滑軟綿綿；日本白粟米未經烹調，𝟏𝟎𝟎%新鮮超級香甜🌽
✰ 十八層海膽杯
超級𝐈𝐠𝐚𝐛𝐥𝐞記得一定要叫😆每層層次分明、食材新鮮足料：海量濃郁海膽𝐜𝐫𝐞𝐚𝐦𝐲十分、一咬三文魚籽油脂爆發鮮味十足、牡丹蝦鮮甜無比、仲有帆立貝、海葡萄、松葉蟹肉等！店員教落，打卡後，食嘅時候記得倒出黎攪拌均勻，先可以將所有材料完美融合！
✰ 活龍蝦兩食 (+$𝟏𝟓𝟎轉全隻)
新鮮龍蝦師傅三兩下手勢就起好肉🦞一款係佈以拉絲芝士嘅忌廉烤龍蝦，拉絲效果十足，芝味無窮🧀；另一款以蝦頭膏混合牛油同海膽製成，味道超級濃厚，甘味得黎又唔會掩蓋到龍蝦，超級鐘意呢款，完全震撼了我👍🏻
✰ 火焰海膽甲羅燒
上菜嘅時候會用火焰燒牛油紙，好似變魔術咁🪄底部係濃郁鮮味嘅蟹膏、混合鮮味十足漲卜卜嘅三文魚籽、墨魚籽以及大片海膽，同樣鮮味無窮，好似吞咗片海洋落肚🌊
✰ 荔枝豚肉卷
烤到焦香嘅豚肉包裹住爆汁嘅荔枝！清新鮮甜嘅荔枝肉同帶有點肥肉豚肉互補，中和到當中油膩感！
✰ 脆皮煎鰻魚
雖然入面有少少骨🐟食嘅時候需要非常小心！外皮超級無敵香脆可口，油脂感唔算好重，估唔到鰻魚都可以咁好食！
✰ 特色花膠花菇大蜆湯
師傅將成個膠袋擺喺燒爐上面煮到沸騰，去到座位嘅時候先剪開，一剪開就聞到超級濃郁嘅住家湯味！配料毫不吝嗇：特大厚肉花菇🍄、厚身花膠，大蜆、昆布，湯頭鮮甜十分好暖胃👍🏻
✰ 燒野菜拼盤
雞髀菇用上芝士同木魚碎做調味，日式風味十足；車厘茄扮到好似車厘子咁好可愛，玩味十足🍒；小紫薯配合棉花糖，口感十足，另外有粟米芯🌽瓜類以及蘆筍。
✰ 蘭王蛋椰菜花炒飯
蘭黃蛋蛋黃呈現超級鮮豔嘅橙色，一戳開就見到超級流心，將蛋漿混入乾身炒飯更添風味！特別欣賞師傅選用半飯半椰菜花飯，完全冇罪疚感👹
✰ 焦糖吐司
食鐵板燒最鍾意一定係呢一個甜品！用牛油煎出嚟嘅吐司味道非常濃郁、高溫燒過嘅砂糖形成嘅焦糖香甜十分！為今日嘅晚餐畫上一個完美嘅句號☺️
Post
