Video
Read full review
2023-05-04
103 views
【元朗區】【千葉鳥】出呢個 post 嘅日子係初五，亦都係我生日。不過寫嘅時候係早一日，今日應該係冇乜時間寫嘢嘅。亦都係咁，其實呢餐飯就好耐之前食落嘅，不過我相信以佢哋嘅質素，到呢一刻都應該係仲未執笠嘅，除非係被疫情連累。而正值我生日呢啲咁重要嘅日子，又點解無啦啦講呢間嘢。其實呢邊係一個充滿咗回憶嘅地方，幾乎所有可以用感官體會到嘅嘢，包括一草一木，都能夠觸動到我嘅情緒，所以大到一間餐廳咁，就當然會引起到我嘅注意啦。「花開的美美不過你笑容的嫵媚午夜夢迴怕景物憔悴怎能不這樣以為沒有你嚐遍痛苦滋味是我太沉醉讓思念步步相隨……」天水圍飲食專員同我講過呢間嘢最好係食 lunch 因為會抵啲，情況就好似大阪嘅「近畿大学水産研究所」咁。當年我都係受到提醒而喺午飯時間去，真心爽，值得推薦。不過喺香港反而難啲，我呢餐最後都係喺夜晚食嘅。試吓佢啲串燒係少不免，佢有兩款牛舌，滿足晒我呢啲極想同牛打茄輪嘅牛舌控。佢哋係「極上雪花牛舌囊」同「鹽燒厚切牛舌心」，我各叫兩串，價錢分別係 $73 同 $50，前者又真係好好食，令本身都唔錯嘅後者黯然失色。食完牛舌，就試個「千葉鳥御前定食」，佢係有三款刺身、三件壽司、一
而正值我生日呢啲咁重要嘅日子，又點解無啦啦講呢間嘢。其實呢邊係一個充滿咗回憶嘅地方，幾乎所有可以用感官體會到嘅嘢，包括一草一木，都能夠觸動到我嘅情緒，所以大到一間餐廳咁，就當然會引起到我嘅注意啦。
「花開的美
美不過你笑容的嫵媚
午夜夢迴
怕景物憔悴
怎能不這樣以為
沒有你嚐遍痛苦滋味
是我太沉醉
讓思念步步相隨……」
天水圍飲食專員同我講過呢間嘢最好係食 lunch 因為會抵啲，情況就好似大阪嘅「近畿大学水産研究所」咁。當年我都係受到提醒而喺午飯時間去，真心爽，值得推薦。不過喺香港反而難啲，我呢餐最後都係喺夜晚食嘅。
試吓佢啲串燒係少不免，佢有兩款牛舌，滿足晒我呢啲極想同牛打茄輪嘅牛舌控。佢哋係「極上雪花牛舌囊」同「鹽燒厚切牛舌心」，我各叫兩串，價錢分別係 $73 同 $50，前者又真係好好食，令本身都唔錯嘅後者黯然失色。
食完牛舌，就試個「千葉鳥御前定食」，佢係有三款刺身、三件壽司、一件手卷，又有前菜螺肉、麵豉湯，仲有一碗牛肉烏冬。咁樣嘅組合收我 $117 我覺得性價比都唔錯，價錢唔貴之餘，啲嘢食都唔差，真係幾好喎。
成餐飯最後食咗 $264，唔算好平，不過食呢啲嘢又唔係貴喎。雖然大部分錢都係放咗喺啲牛舌度，但係我又覺得佢燒得幾好食，加埋個定食就有飽足感，唔錯嘅用餐體驗。係等位多人咗啲，咁啲嘢好食都冇辦法，就係咁。
我寫嘢嘅呢一刻都仲未知今日會係點，不過我而家文字又整好，圖片又整好，就好好享受咗呢一日先。而家六點後有堂食限聚令，我估我嘅生日飯都唔會做到啲咩好特別嘅嘢。但係又咁講吖，只要親朋好友都健在，所有嘢都唔係啲乜嘢。。。
（地址：天水圍天瑞路71-77號天澤商場1樓113E號舖）
#1amfoodie #foodie #hkfoodie #thatfoodiething #hkfood #food #instafood #yummy #foodlover #1ambackup #1am0571 #tasty #globaleats #tastyfood #foodpics #followforfollowback #love #eat #1am元朗區 #天水圍 #天澤 #天澤商場 #天恒 #千葉鳥 #日本嘢 #日本餐廳 #日本菜 #日式料理 #japanesecuisine
6 views
0 likes
0 comments
Post
