劉森記麵家 (元州街) (Closed)

【出名的蝦子捞麵 】今日去長沙灣附近整小小野，經過元洲街見到劉森記麵家，記得之前係深水埗食過，覺得都幾好味，今晚唔想食飯，就入去食番碗麵。長沙灣呢間分店的坐位都好寬敞，枱與枱之間都分得幾開，唔會好逼，比深水埗嗰兩間分店坐得更舒服。劉森記麵家有一個特式，就是每張枱都會放一樽大的醃蘿蔔，任食的，可以夾出來放係個碟仔上慢慢食，因為我本身好愛這類醃製食物，所以真係啱晒我，我勁鍾意食，食左好多塊！我點了一碟招牌蝦籽雲吞撈麵，蝦子鹹香十足，手打竹昇麵完全無梘水味，好爽，麵雖然乾身但又唔會痴埋一齊。雲吞就粒粒大小適中，蝦肉香口彈牙幾好味，另外放雲吞的湯底都好好飲，我都有飲晒。