劉森記麵家 (元州街) (Closed)

【出名的蝦子捞麵 】今日去長沙灣附近整小小野，經過元洲街見到劉森記麵家，記得之前係深水埗食過，覺得都幾好味，今晚唔想食飯，就入去食番碗麵。長沙灣呢間分店的坐位都好寬敞，枱與枱之間都分得幾開，唔會好逼，比深水埗嗰兩間分店坐得更舒服。劉森記麵家有一個特式，就是每張枱都會放一樽大的醃蘿蔔，任食的，可以夾出來放係個碟仔上慢慢食，因為我本身好愛這類醃製食物，所以真係啱晒我，我勁鍾意食，食左好多塊！我點了一碟招牌蝦籽雲吞撈麵，蝦子鹹香十足，手打竹昇麵完全無梘水味，好爽，麵雖然乾身但又唔會痴埋一齊。雲吞就粒粒大小適中，蝦肉香口彈牙幾好味，另外放雲吞的湯底都好好飲，我都有飲晒。

今日同同事難得外出食午餐，同事叫左淨黑椒牛丸雲吞菜，收你$44，只有三粒牛丸，但冇黑椒、三粒雲吞！以前都每樣有4粒！同事跟職員查詢，佢話係廚房搞錯！同事話：以前不嬲食都係每樣4粒。職員：不嬲係每樣3粒，係以前師傅比錯。同事：食左十幾次都錯？職員：咁係師傅一直搞錯囉！職員態度奇差，講野粗聲粗氣！食物質素又下降，牛丸冇黑椒，遲點菜，先上菜，樓面超級混亂，價錢又貴！仲話一代傳一代，以後唔去！！！不再是深水埗名物

劉森記出名蝦子捞麵。貪吃的我。一味注意揀選配料餸，落單時忘記講要蝦子捞。到上枱才發現。巳經太遲劉森記的另一特式，就是每張枱也放上一樽酸蘿蔔，任食爽脆的酸蘿蔔，非常醒胃，而且任食。三併捞麵:$52鵝腸，黑栢葉，豬手捞麵，超大碟打邊爐的選料~ 白灼黑柏葉，鹅腸，再配一碟鹹味辣椒豉油(若帶小甜更適合)*黑柏葉是很多食店提供，外觀雖然大吸引，但不經漂染，入口感比白柏葉更爽，更彈牙。*豬手也炆得非常入味， 肉身淋軟。蠔油芥蘭~$15非常脆口，但小女子比較喜歡食淋的，下次落單時要特別提醒。食後感若不是太大食的話，選湯麵比較適合，因為捞麵份量勁多。而長沙湾分店比堔水埗大兩倍，坐得比較舒服。

中式粉麵店一直都係港人至愛，夠晒香港味道之餘亦經濟實惠，而當中嘅表表者，不得不提到劉森記，劉森記嘅手打竹昇麵喺香港已經係碩果僅存，因為功夫多花嘅心機亦多，呢啲辛苦野冇咩後生仔願意學，效率亦一定唔及機械，入返正題，講返今日幫襯左啲咩😂招牌蝦籽撈麵$38蝦子鹹香十足，手打竹昇麵爽、彈之餘亦充滿鴨蛋香，而師傅篩水同撈豬油嘅功夫都做得好好，使麵乾身又唔會痴埋變一餅野👍🏻👍🏻淨水餃$38鳳尾水餃粒粒飽滿，真材實料。

同一般雲吞麵店有點不同，有裝修的，感覺乾淨衛生。坐椅是一般木櫈，不過不失，四平八穩。一入舖頭，都係見人食撈麵。竹昇麵，想起電視機睇，師傅坐係條竹度up and down。叫咗雲吞撈麵，雲吞細粒，但入面的蝦彈牙。撈麵可以揀腩汁同蠔油，麵很彈牙同爽口。但沾不了腩汁，份量多，一個女仔吃不了。下次會揀一碗麵食。還有罐裝飲品可選擇。但如果有奶茶咖啡就更好。

今晚上完查經班，同老公兩個人去撐枱腳。聽教友講，附近有間著名的竹昇麵，咁啱去到無需等位，所以就件去試試。好特別有醃蘿白供應，非常醒胃。我不太肚餓，點了淨雲吞，粒粒大小適中，蝦肉彈牙唔梅，好味手老公食魚蛋魚片河，幼條河粉好滑，老公

身為麵痴，久不久要光顧優質麵店去尋求心靈之滿足。今天選擇劉森記元洲街分店，貪其人潮較少。叫了蝦子炸醬撈麵，不消一會，麵已到。份量頗多，急不及待，大啖吃一口。嘩，不得了，麵乾身及非常彈牙，口感奇佳，不愧為竹昇麵。蝦子落得非常重手，那鹹香味刺激所有味蕾，非筆墨所能形容。再吃些炸醬，味道酸甜，令人食慾大增。另肉絲份量亦多，口感亦不錯。見每枱有免費自家製醃蘿蔔，非常受客人歡迎。但自己不好此食物，沒有試食。不用十分鐘，已吃完麵，滿足感由然而生。這些少店，以便宜價錢，給普羅大眾優質食品，真是不可多得，在香港已買少見少。自己肯定會繼續支持！

黎到糧尾，自然想搵啲平民價錢嘅嘢食，一路都知道深水埗嘅劉森記食麵好出名，但係成日都人頭湧湧，聽朋友介紹，去長沙灣分店容易啲有位，咁又唔係行得好遠，我哋就專程由深水埗行過去長沙灣分店啦。叫咗出名嘅雲吞撈麵，雲吞細細隻啱啱好可以一啖一隻，裏面嘅蝦有小小嘅胡椒味，更加可以帶出蝦嘅鮮味。幼身既麵條好彈牙，果然係做竹昇麵嘅專家。黎食嘢記住唔好忘記枱面上面嘅醃蘿蔔，酸酸甜甜，非常開胃，試過返唔到轉頭，會係咁添。

香港可以吃得到傳統正宗竹昇麵的地方已經不多，辛苦費時間而且年輕人都不願意入行。劉森記大概是碩果僅存的，全港只在深水埗有三家分店。「菜心蠔油冬菇撈麵」朋友下單時要求冬菇另上，我們一頭霧水的，一問之下才知道冬菇跟撈麵一齊上的話冬菇的汁會令撈麵浸的過濕過軟，浪費人手做竹昇麵的口感，不愧為懂吃之人。「蝦子雲吞牛腩撈麵」我則選了蝦子撈，很少在外面點蝦子撈麵，除了蝦子份量少之外，生麵的獨特味道把蝦子的全蓋了，浪費了蝦子。這家的蝦子多到把麵的表面全蓋住，全不吝嗇，而且每根麵條都沾了蝦子，撈麵煮得夠乾身，吃得到麵的新鮮，滿口都是滿足。雲吞口感彈牙，雲吞湯清甜沒鹼水味，吃幾口撈麵喝一口湯，作用像日本的紫薑，讓食客們更能吃得到竹昇麵的真味。牛腩其實沒甚麼特別，就是柱侯牛腩，味道其實不錯，不過不建議吃撈麵配牛腩，口感有點乾，稍為失色。「魚旦魚片麵」手打魚旦香滑，吃下去簡直不得了，明顯是新鮮魚肉手打，有魚香味之餘打得非常細滑，朋友更形容為有史以來吃過最美味的魚旦麵。特別要一讚的是這個「自家製醃蘿蔔」，蘿蔔爽口，甜酸度平衡的剛剛好，飯前吃幾顆非常醒胃，而且是無限添食的，實為店裡必吃之選。

老死移民在即，今天就跟他再訪以前的食店回味一番！不經不覺原來已開了第三間分店，附近易泊車就順道試下新店！這樣闊落很多，運作及選擇跟老店大致相同！免費的小吃蘿蔔當然不可錯過。我的心頭好：黑栢葉蝦子撈麵，麵彈牙而没有枧水味，蝦子跟醬油带出不止好味，更是這些年的一些回憶。老死就愛吃雲吞鵝腸湯麵，湯頭很惹味，而雲吞及鵝腸很彈牙及爽口。要不是晚上要出席為他舉辦的送别聚餐，相信我們必再添一碟這裏出名的炆冬菇。

下午經過深水埗諗住過嚟食返碗麵，我可以話係慕名而來嘅，入到去差唔多已經滿左好多人不過唔緊要我可以等，等左幾分鐘都無人理我，終於有個阿姐攞住碟野走埋黎比我隔離嗰個我先至可以叫停咗佢落單。我叫蝦子柏葉鵝腸撈麵，佢話冇蝦子柏葉鵝腸撈麵，咁我果時get唔到啦我以為冇得咁樣拼法，咁我叫鵝腸雲吞，佢話冇呀冇呀之後直接走開左冇理我，我谷鬼氣我即刻拎野起身走人，你當個客蠢唔識野你都唔係粒聲唔出掉頭走人呀嘛？！ 我絕對相信平時佢係冇嘢嘅，只有係出問題嘅時候你先至可以睇到佢真正嘅態度同埋處事方式，明白你係好忙，但你選擇粒聲唔出走人無視我咁我咪又起身走人唔會再幫襯囉！俾個建議如果遇到呢啲咁嘅情況你可以同個客講聲你不如再諗一諗其他選擇，或者你同佢提議下有咩好介紹！

深水埗好多好野食 今日午餐就決定要食傳統既竹昇麵 去到門口發現無位就決定叫外賣拎走 一個人食就淨係叫左個蝦子牛腩牛筋撈麵 $41 姐姐比左個細袋仔我 叫我自己係枱面入啲醃蘿蔔take away 蝦子份量一般般 食到最尾可能會有啲麵沾唔到蝦子 不過牛腩好嫩好入味 牛筋又淋又香 好重膠質 成個口會張住張住咁 呢個時候拎返包醃蘿蔔黎食就岩岩好啦 酸酸甜甜咁 即刻解晒膩 又可以食多兩啖麵同牛筋啦 因為係竹昇麵 個麵質真係好彈牙 牛腩汁加埋蝦子令個麵更加順口 一啲都唔會太乾 呢個午餐真係好滿足啊

香港地食粉麵的店鋪很多，呢間係主打竹昇麵嘅鋪頭，加持唔係中委異常，我久不久都會來呢一間鋪頭食嘢，牛筋腩係我特別推薦的，反而雲吞我就覺得比較一般，竹升麵的感覺是特別彈牙同埋有咬口嘅感覺，香港地已經買少見少！

陪男朋友去深水埗買電腦嘢為左答謝我男朋友話帶我食好好味竹星麵🤤🤤🤤去到門口先知原來係電視成日介紹嘅劉森記😱😱😱幸福真係黎得太突然啦！！！立即衝入去搵位坐～～～同一般老子號一樣餐牌都係掛晒係牆上面男朋友話蝦子撈好出名而且竹星麵難得無梘水味！！！再望望周圍又真係多數人都叫蝦子撈麵男朋友叫左蝦子牛腩牛筋撈麵蝦子滿滿！超多！而且好香！竹星麵, 麵底亦都好多👍🏻而且真係好彈牙👍🏻👍🏻👍🏻牛腩就普通啦唔係太入味不過都幾淋我就貪心d叫左個三餸嘅蝦子撈麵有水餃、黑椒牛丸同魚片頭三款餸！水餃最有驚喜！好足料而且大大隻👍🏻油菜$15黎講份量可以接受👌🏻同場加影！！免費任食醃蘿白！超好味！！又爽又清少少酸👍🏻👍🏻👍🏻一流！

月前撰文指深水埔名食店在長沙灣開分店，我認為此店是負面例子。第一所分店只隔20步，很多人都去坐位較舒適的新店。此長沙灣分店，所在位置人流少，裝修更整潔。最討好是元祖店-桂林街大牌檔的畫。雲吞麵和水餃麵都是賣29元，比舊店便宜了一元。上檯時發現碗的容量大了，是訂製品。雲吞，水餃數量比舊店多了一粒。最弊是湯底十分咸，反映此店價格較低，但師傅手藝更低。免費的蘿蔔都有不同，舊店多紅，青辣椒，這裏只有白蘿蔔。撈麵水準則一樣。