麺屋武蔵虎洞 (青衣城) (Closed)

最近放工都唔知食咩好，咁啱工作需要就去青衣城兼且收工，順理成章就喺青衣城搵吓有啲咩好食啦。無意之中發現到呢一間麵屋武藏（其實我知道呢間餐廳已經開咗好耐，只係一直都冇行到去呢個位置haha)，順便問埋朋友佢有啲咩想食。我同朋友都叫沾麵，不過佢揀嘅係白虎湯，我揀嘅係黑虎湯。一打開個面超級豐富，有流心蛋，蔥花同竹筍，配合埋沾麵汁，成個畫面都係濃濃既日本風味。唔講唔知，原來黑虎汁係洋蔥大蒜麻油味，白虎係豬骨濃湯配合魚湯，兩隻顏色同香味都好吸引！除左沾麵之外，我哋仲叫咗個蔬菜拼盤，同埋唐揚炸雞，好Juicy好入味，特別係佢哋個蔬菜拼盤，啲菜好新鮮同埋好大盆！又夠味又可以食下菜！雖然而家疫情期間冇得搭飛機返日本，但係都可以嚟試吓麵屋武藏，尋找已忘卻的日本風味！