Video
Read full review
2019-03-12
266 views
今日去稻香食晚餐！首先講吓正常嘅食物，食咗個龍躉兩味（148元），分別係紫茄蒜蓉蒸班頭腩，同埋翠帶濃湯龍躉球。個紫茄蒜蓉蒸班頭腩味道正正常常，不過啲茄子索晒啲蒸魚油，感覺都幾肥膩。至於翠帶濃湯龍躉球，睇相嘅樣都幾吸引，嚟到之後發覺啲湯嘅色同幅圖唔同，食落都還可以，不過啲配菜唔算新鮮，色水暗淡，啲翠帶都唔知係乜，唔敢食。然後經典菜式嚟啦，我哋叫咗個西檸雞（78元），最後嚟，一睇，啲雞碎到好似台式粒粒炸雞咁，搇滿晒脆漿，一啲都唔似平時食嘅西檸雞。食落去發覺，中伏了！所有雞都唔係雞嚟㗎，我好似食緊成舊粉咁，咬開一半，舊舊雞90%係脆漿， 10%係肉，仲要舊舊都係咁！無嘢呀嘛？雪雞柳都唔係好貴啫，使唔使俾成碟粉我食呀！酒樓嘅廚師究竟有無培訓過？點解咁難食嘅嘢都可以擺上台？所以我哋食剩咗，因為真係難食到食唔落呀！
首先講吓正常嘅食物，食咗個龍躉兩味（148元），分別係紫茄蒜蓉蒸班頭腩，同埋翠帶濃湯龍躉球。個紫茄蒜蓉蒸班頭腩味道正正常常，不過啲茄子索晒啲蒸魚油，感覺都幾肥膩。
翠帶濃湯龍躉球
$148
13 views
0 likes
0 comments
然後經典菜式嚟啦，我哋叫咗個西檸雞（78元），最後嚟，一睇，啲雞碎到好似台式粒粒炸雞咁，搇滿晒脆漿，一啲都唔似平時食嘅西檸雞。
西檸雞
$78
12 views
0 likes
0 comments
西檸雞
$78
6 views
0 likes
0 comments
Other Info. :
成餐飯3個人盛惠341元（包埋2個飯，一枝啤酒，茶芥加一），個雞完全係掠水之作，仲衰過茶記。
(The above review is the personal opinion of a user which does not represent OpenRice's point of view.)
Post
