A100餐廳

Open Now

Now Closed

【北區】【A100 Restaurant】生命中有啲人，你會不惜一切咁樣去守護。縱使你同佢已經係天各一方，佢有佢嘅生活，你有你嘅忙碌。但係假如有一日，你喺路上偶然咁收到佢有需要幫忙嘅消息，你都會即刻放低手上所有嘅工作，留喺佢身邊陪伴住佢。深夜先記得自己全日冇食過嘢，嚟到上水石湖墟呢間茶餐廳，見佢未熄燈就走入去碰吓運氣，真係未閂門喎。叫咗個 $48 嘅「常餐 A」，我見好似冇乜人食呢啲，其他顧客多數都係打工仔，亦有巴士司機，都係食碟頭嘢多。個餐有「沙爹牛肉公仔麵」、「香滑牛奶炒蛋」、「火腿」同「牛油多士」，可能餓得滯，啲嘢都好似求其食咁。不過個包畀到啲驚喜我，幾軟熟，幾好食。嘢飲我係飲「熱奶茶」，正常港式茶記質素，唔差嘅，起碼冇嘢挑剔到先。我就唔會就咁收檔唔食嘅，至少都要為讀者而食。本身有諗過西多士，但係佢有另一啲小食好似更有特色。我叫咗 $35 嘅四件「香煎金菇肥牛卷」仲「配照燒汁」，好似唔多茶記有，味道都 okay。夾埋食咗 $83，都係咁上下。好似《天各一方》嘅歌詞所講，其實乜嘢先至係真實而恆久嘅呢？或者我應該好似歌詞嘅主人翁一樣就咁保存住呢一份渴望、希冀，畀我相信世上有一幸福，唾