荳子冰室 (上水中心)

Open Now

Now Closed

【北區】【荳子冰室】今日係 22/8，係一位好特別嘅朋友嘅生日，所以我都要去一間特別啲嘅餐廳食。咁呢間餐廳並唔係有啲咩回憶，而係佢咁啱喺上水，所以一直都好想試。之但係佢一直都勁受歡迎，次次經過都勁多人排隊，所以係嚇怕咗嘅。不過嚟到呢一日，我覺得我點都要食喇，下午四點左右過到去係唔使等位嘅，直接入去坐低用 QR code 叫嘢食。唔好諗喇，先試佢嘅冰室常餐先。主食都係嗰啲配搭，薑絲鮮牛肉好似其他地方都有，叫個再特別啲嘅。最後我係要「照燒魷魚鬚撈公仔麵」，仲有得揀硬度，我要「淋啲」，味道都唔錯，好快食晒。配菜我加 $5 要「蜜糖叉燒餐包」，常餐有得食佢係幾特別，味道都唔錯。反而個「煙肉磨菇奄列」略顯平庸，唔算特別好食咁。飲品我加 $9 要「雪糕紅豆冰」少冰，我一向唔太飲呢樣嘢，純粹為個特色而飲，正常啦。加 $15 要埋個甜品「花奶芒果布甸」，可以即上或者聯絡侍應叫起，我梗係叫佢食完先上菜。味道都 okay，裡面仲有粒粒芒果肉添。最後想食多少少，西多係粒粒西多打咗折扣，同菠蘿油一樣都係 sell 個乾冰噴煙效果，我見啲嘢都係麻麻。不如叫啲包點食吓，「蛋撻」係曲奇皮，賣 $6 質素只屬正常。而