無肉食 (堡壘街) (Closed)

今日同老佛爺行完工展會，在場內食得飽飽，晚餐就諗住清清地，食素食。晚餐六點開始，準時去到，以為無人食，大把吉位，晏些才知係自已早，都爆場。地方都好寬敞，吾會左頂右頂，食得舒適。 食品都係大路野多，炒麵，炒銀針粉， 各種炒菜，焗南瓜，冬瓜盅，沙律，生果，炸雲吞，芝士撻，生菜包，湯，糖水，pizza......食品一路出，一路更新，一開波怕死蝕底，係咁食，到後段好多推出新野都食吾落，最鐘意食有一個牛油果，上面有些果仁碎，食咗3，4 個，平時牛油果貴，底返晒😁 ，新雜果沙律。原本話限時90分鐘，但我地坐了两個幾鐘，老細又無催，very nice。原來仲可以外賣，60蚊，會有一個飯盒和湯盒，你入到幾多就幾多，個盒都幾大個。两人埋單 260，人均130元，算ok,會再來。p.s.: 餐具食完要自己攞去收集的，我個人覺得理念係ok的，吾接受就要注意了。