日和号壽司料理 (Closed)

⭐️刺身刺身都半價就梗係要多幾款😬～叫左油甘魚（4片)、帶子（6片）、劍魚腩（4片)、吞拿魚赤身（4片），當中油甘魚質素最好，鮮甜油潤又唔會太肥膩。⭐️壽司🍣▫️最吸晴嘅莫過於6吋三文魚壽司～長長嘅三文魚足以包圍整件壽司，鍾意食三文魚嘅一定好滿足～▫️三文魚腩同左口魚邊都係叫左火炙，個人覺得肥嘅魚生一定要火炙過，咁樣先最能夠引出魚油，讓油潤感覆蓋整個口腔～～▫️吉列炸蠔壽司嘅蠔🦪炸得唔錯，唔油膩又無油膱味，外層香脆內裡juicy，不過size 偏細。▫️花之戀有好多款式，我就揀左芒果花之戀同親子花之戀，另外仲有牛油果🥑同柱貝花之戀；花之戀偏細，主要因為壽司飯偏少，但以比例計的話魚生係幾足料。▫️另外仲叫左七味火炙鳕場蟹棒壽司、北寄貝壽司同鰻魚壽司，味道正常。⭐️軍艦軍艦叫左海膽、芥辣八爪魚同香葱吞拿魚腩碎軍艦，海膽份量都幾多而且又無乜腥味。⭐️八爪魚小丸子（4粒）小丸子外層堅挺內裡較軟，而且有大大粒章魚粒。⭐️白桃乳酸梳打、芒果梳打白桃乳酸較為清新開胃，比較推薦。