Kind Kitchen (Closed)

【同樣都係意粉 今次失望而回】之前已經黎過依間主打素食嘅餐廳食過lunch，上次食左松子香草醬意粉係ok嘅，但今次再試其他意粉就好失望喇！先講下個雜菜湯，入面係有唔少雜菜如椰菜、紅蘿蔔同埋粟米等等，但整體味道偏清淡，本人鐘意比較濃郁嘅羅宋湯，所以覺得麻麻。未來熱狗腸雜菌炒意粉 ($108)食落只有辣味，無蕃茄個種酸甜濃郁嘅感覺。熱狗腸食落比較乾身，一啲都唔juicy。而且個味道同中式嘅素肉差唔多，成個配搭都唔太吸引。依個價錢但咁嘅質素，應該唔會有下一次。