潮食街 (Closed)

第2次買Pentahotel (香港九龍貝爾特酒店)出嘅團購，食過返尋味！首先呢個價位食到有生蠔、雪場蟹腳、翡翠螺、刺身、haagen-daz嘅自助餐 + 任食3小時已經抵。其次，仲要係喺你面前逐隻即開嘅生蠔，兼有人即時同你沖乾淨；而翡翠螺亦預先拔咗塊「掩」，加清洗過先放出嚟！乾淨呢一點好抵讚！.▼ 必食推介 ▼即開生蠔 (只限星期五、六、日)、雪場蟹腳、翡翠螺、燉湯、即製窩夫、椰汁糕、Häagen-Dazs、沙律、滋潤糖水。其他食物有好多選擇，味道只屬中規中矩。 *飲品方面有汽水/咖啡/茶 + 檸檬片, 任斟任用*Pizza唔好食, 如燒牛肉太生都係算了, 好韌, 無謂浪費肚子*刺身宜先小試新鮮與否，我哋今次嘅甜蝦唔得*食完要跟(原價$443)俾10%服務費 .▼　免費篤波、打wii + 足球機 ▼.雖然間酒店喺鑽石山荷里活廣場對面嘅工業區 (地鐵D出口行10-15mins, 有Shuttle Bus往返mtr,不過訂位時要查清楚上車地點同時間)，但裝修非常之OK，十分型+有香港特色!!!! 最吸引嘅係有Game Room, 有兩張波枱 (早D去, 如果唔係會俾人霸咗)，