越式越好味 (Closed)

突然覺得好耐無食越南野好想食添，就搵下屋企附近既餐廳。見依間越南小店個名幾得意就試下先，裝修唔算華麗但勝在光鮮又坐得舒服👍一坐低就有杯又熱又香既班蘭茶飲，似足按完摩飲果杯茶既味，而且侍應們溝通都係講越南話既，好地道🤗✦ 極品牛三寶湯河粉 💰55顧名思義三寶即係有3款餸，就係牛肉、牛筋、牛丸，肥牛肉嫩有口感！再配上大大碗河粉，足料份量夠👍 濃郁嘅牛湯底加上各種香料，每一啖都充滿越式風味！✦ 軟殼蟹撈檬💰65食越南野當然唔少得撈檬啦，再配上我最中意既軟殼蟹簡直大滿足🈵️軟殼蟹有半隻左右炸得幾脆，檬粉就比較幼身。最好就係會比埋樽酸辣汁你任落，但對於我依個大胃王黎講有d唔夠可能因為始終無湯啦😂✦ 鮮榨芒果沙冰＆ 越式滴漏咖啡 ＋💰25芒果沙冰口感好creamy，好幼滑。平時飲開沙冰會咬到一粒粒，但係呢杯唔會, 每一啖都係芒果蓉👍另外估唔到平民小店都飲到傳統越南滴漏咖啡🤩本身杯入面已經落左d奶同糖，連埋滴落黎既咖啡撈勻咁飲，比普通咖啡香純好多！店家用心製作帶比食客出符意料嘅越式體驗！