阿啡 (Closed)

是日拍嘢，行遍整個西營盤，暴曬咗4個鐘，終於可以坐係室內休息下。之前成日黎堅尼地城，搵杯好啡都搵唔到。呢間新開嘅，好似係四兄弟開。入到去一個係度處理文件，一個整緊食物，只係覺得佢哋感覺好似樣。門口係用落地大趟門，好清楚睇到入面。乜啡都有，佢都有茶。我坐左無幾耐，開始超多人，無乜機會影到其他位置。佢有個位係似用櫃做出嘅小樓梯，上面放左結他同一個喇叭。呢間絕對係走簡約風。其實我係好肚餓，不過佢嘅小食係有包同餅。最後要左我最愛嘅朱古力包。當然唔少得仲有我杯肥威，38元。呢杯啡令我為之一振，唔知點解我第一下係聞到豉油味，呢下我都嚇親。巴西溝盧旺達，兩種豆係唔同洗法，結果出黎係咁特別，偏fruity，但又唔會好勁。佢個包係好脆，一篤落去係皮係彈出，而且朱古力流哂出黎，正。見到自己杯啡特別期待。我會再黎飲。