想甜嚐甜

Open Now

Now Closed

一出街就忍唔住食好嘢，我知近海邊嘅堅尼地城都唔少正嘅餐廳，不過反而想去內街。星期一嘅夜晚都有好多人黎食甜品，仲見到有救護員一早order定甜品專登過黎拎。呢間一入去，好多文宣包圍你，仲有個記者公仔。店內播放嘅係高登音樂台嘅歌曲餐牌係好有心機，中間有幾頁係文宣圖。插畫都好精美，而且係分類分得好好，有啲甜品係用歌詞做做名。由於太多頁，頁頁都值得睇，無係度post啦。椰芋，40元。好豐富嘅一碗，又芋圓又椰果紅豆西米，喜歡椰子嘅唔好錯過。芝麻糊湯圓，36元，一粒花生一粒芝麻湯圓，芝麻糊係可以，如果芝麻再重啲會更好，價錢就略高左小小。抹茶心太軟，52元。擺盤都幾好，要左青蘋果，幾fresh，算係少有嘅味道。心太軟做得唔錯，呢個價錢黎講幾好。