麻辣風雲 (荃碧大廈) (Closed)

最近見到好多人介紹麻辣風雲，幾鍾意食麻辣嘅我哋就去試下Lunch。環境方面，原來好大間，有幾多位，感覺上夜晚嚟食辣都幾正，而且晏就唔使等，一入就有位。另外呢度係可以用電話落單，都幾方便Lunch 嘅話可以揀麻辣米線同小菜配飯，算幾多選擇嘢食嘅部分，我哋兩個人叫咗個小食------------------------香滑豆腐花米線 ＋炸饅頭 $103豆花米線係撈嘅，我自己叫咗竹笙、五花腩片、雞件。竹笙、五花腩片同幾多，五花腩片又幾大塊～大夏天熱辣辣唔想食啲有湯嘅嘢，試下豆花撈米線，好多人都以為加豆花怪，但其實加咗豆花嘅米線係滑勁多，每一啖食落口都有滑嘟嘟嘅感覺，加埋配餸口感好豐富㗎﹗試過就會明﹗炸饅頭 見到勁多人都推介呢間嘅炸饅頭所以又試下，饅頭新鮮炸好出嚟，真係做到外脆內軟，唔會覺得好油，炸到金黃色喘啱好，再加埋煉奶真係好食﹗麻辣風雲湯米線 $56因為第一次食叫咗少辣，餸就叫咗牛柏葉、萵荀同美國肥牛，值得一讚係湯底嘅麻辣係做到幾好，唔似三哥嗰種少辣有一滴香嗰種甜味（No offense我自己都會食三哥），做到好純正嘅麻辣感，對於鍾意食辣嘅友人嚟講表示不錯。