簡品堂

Open Now

Now Closed

💡【大熱的麵包店】 呢間近期好多人講，已經有好多分店，麵包有好多種選擇，而且味道都多元化，價錢都好親民。🫓麻糬曲奇呢個CP值勁高，一盒有5個，麻糬好煙韌，麵包超鬆軟，味道亦好濃郁，當然要試下人氣的開心果味，入面會有點粒粒，有咬口。🫓糯米糍新口味有開心果、榛子脆脆、草莓脆脆。糯米糍口感柔軟而有嚼勁，加埋不同餡料，配搭得好夾。🫓隕石髒髒包面頭鋪滿晒朱古力醬和朱古力波波碎，味道估唔到咁香濃，同埋夠曬大個，並唔係空氣包包。🫓帝王新口味蛋捲有三款口味，宇治抹茶、阿華田及香濃咖啡，我就揀咗咖啡，一打開已經聞到好香咖啡味，食落仲好鬆脆。🫓雜錦曲奇禮盒一盒有9款不同口味的曲奇🍪，好鬆軟，淡淡滋味 ，其中朱古力、開心果、茶味等等，總有一款岩你好味🤣🍵拿鐵咖啡啡味濃郁，飲落仲好順滑，值得一試。