Video
Read full review
2021-03-17
1136 views
星期六同家姐去左嘉湖食buffet dinner，疫情關係我地兩個都餓左好耐，我地係勁大食二人組。意外地餐廳99%坐滿，但拎野食嘅人唔算多，而且大家都有帶口罩。得一開始拎生蠔要排隊，生蠔係一大碟任係夾幾多隻，仲要好隻隻都好肥美好吸引，仲要唔腥，中意鯨吞生蠔的朋友可以去試下，好抵食。**但記得少吃多滋味，多吃壞肚皮**我食自助餐通常主攻冷盤同甜品，刺身好有驚喜，有7種刺身可以揀，我食左八爪魚三文魚甜蝦帶子，樣樣都好新鮮，三文魚勁肥美，帶子勁大粒。**真係好抵食**其他冷盤選擇都好多，有青口，螺，蟹腳，凍隻，壽司，冷麵，仲有好多種預拌左嘅沙律，我特別中意用餅乾夾蟹子蟹肉沙律🤤🤤另外仲有三款芝士，係好食嘅芝士，不過我唔識分，同埋魚子醬。**原來魚子醬咸😂**熱食我都食左少少，So皮焗帶子，黑松露忌廉湯，印度咖哩雞同薄餅，家姐食左啲台式燒腸同唔知鴨肝定鵝肝，全都都好食，冇伏。**但即場切嘅烤豬同牛就好韌**最後，我地幾乎試哂所有甜品😂😂😂我諗佢甜品接近有二十款，食哂refill 又係另一種甜品，有豆腐花，即焗梳乎里，Tiramisu，Brownie，面包布甸，奶凍，慕士，黑森林蛋糕，朱古力噴泉
意外地餐廳99%坐滿，但拎野食嘅人唔算多，而且大家都有帶口罩。得一開始拎生蠔要排隊，生蠔係一大碟任係夾幾多隻，仲要好隻隻都好肥美好吸引，仲要唔腥，中意鯨吞生蠔的朋友可以去試下，好抵食。
**但記得少吃多滋味，多吃壞肚皮**
我食自助餐通常主攻冷盤同甜品，刺身好有驚喜，有7種刺身可以揀，我食左八爪魚三文魚甜蝦帶子，樣樣都好新鮮，三文魚勁肥美，帶子勁大粒。
**真係好抵食**
其他冷盤選擇都好多，有青口，螺，蟹腳，凍隻，壽司，冷麵，仲有好多種預拌左嘅沙律，我特別中意用餅乾夾蟹子蟹肉沙律🤤🤤
另外仲有三款芝士，係好食嘅芝士，不過我唔識分，同埋魚子醬。
**原來魚子醬咸😂**
熱食我都食左少少，So皮焗帶子，黑松露忌廉湯，印度咖哩雞同薄餅，家姐食左啲台式燒腸同唔知鴨肝定鵝肝，全都都好食，冇伏。
**但即場切嘅烤豬同牛就好韌**
最後，我地幾乎試哂所有甜品😂😂😂我諗佢甜品接近有二十款，食哂refill 又係另一種甜品，有豆腐花，即焗梳乎里，Tiramisu，Brownie，面包布甸，奶凍，慕士，黑森林蛋糕，朱古力噴泉，movenpick雪糕。
家姐特別中意個馬卡龍，話似出面名店買果啲味。
我就中意香橙梳乎里同黑森林蛋糕，香橙梳乎里個面有沾焦糖，做正個面有啲脆，入面鬆軟似空氣，又冇蛋腥味，真係好好食🥺，而黑森林個外表好classic唔討好，但個味道好驚喜，除左朱古力海綿蛋糕之外仲有厚厚嘅朱古力慕絲，有啲車厘子肉，回味無窮，感覺出面買唔到。
6點半食到9點左右開始有人收拾，但仲可以用咖啡機沖杯咖啡飲，坐到9點半先清場。
飲品全程任斟，有可樂，橙汁，咖啡，紅茶，檸茶等
36 views
0 likes
0 comments
Post
