Video
Read full review
2024-01-04
93 views
今次過咗去天后果邊搵食，維園對面一向有條街都幾多食店，今次就入咗間都幾多人食嘅餐廳，餐廳價錢唔貴仲要全場滿座，所以都好放心去試XD———————————————🌟泰式燒牛肉沙律 $102呢個沙律同平時食有少少唔同，佢牛肉部份主要係用牛仔骨果種為主，所以食落比較腍身，不過如果可以燒香啲就更好。醬汁調味方面唔錯，小辣辣度已經夠曬過癮。.🌟燒原條烏頭魚 $152呢個燒魚真心出色，$152價錢唔算貴，原條魚都算大，入面有好多肉可以慢慢食，入面塞又唔同嘅泰國菜香料燒，將香料味融入魚肉當中。而且熟成度掌握得好好，肉質又嫩又甜，就咁食可以食到魚鮮味，又或者配特製泰式辣醬，酸酸辣辣又係另一番風味。.🌟冬蔭功蝦湯(小) $78入面有3－4隻蝦，蝦食落都鮮甜彈牙。湯會連埋一個小爐一齊上，可以長期熱住佢，湯底飲落唔會太辣，味道夠濃郁酸酸甜甜什至帶有椰香，非常開胃。.🌟泰式乾炒河(牛) $82炒得非常香，係用比較幼身嘅河粉炒，特別深刻係果個蛋香味真係好唔錯，而且牛肉好腍身份量又多，唯一係顏色上面感覺可以再深少少會提升整體吸引程度。.🌟泰國椰青 $38正常椰青，不過呢個價錢真心抵，平過好多其他泰國餐廳。.🌟芒果
今次過咗去天后果邊搵食，維園對面一向有條街都幾多食店，今次就入咗間都幾多人食嘅餐廳，餐廳價錢唔貴仲要全場滿座，所以都好放心去試XD
———————————————
🌟泰式燒牛肉沙律 $102
呢個沙律同平時食有少少唔同，佢牛肉部份主要係用牛仔骨果種為主，所以食落比較腍身，不過如果可以燒香啲就更好。醬汁調味方面唔錯，小辣辣度已經夠曬過癮。
.
🌟燒原條烏頭魚 $152
呢個燒魚真心出色，$152價錢唔算貴，原條魚都算大，入面有好多肉可以慢慢食，入面塞又唔同嘅泰國菜香料燒，將香料味融入魚肉當中。而且熟成度掌握得好好，肉質又嫩又甜，就咁食可以食到魚鮮味，又或者配特製泰式辣醬，酸酸辣辣又係另一番風味。
.
🌟冬蔭功蝦湯(小) $78
入面有3－4隻蝦，蝦食落都鮮甜彈牙。湯會連埋一個小爐一齊上，可以長期熱住佢，湯底飲落唔會太辣，味道夠濃郁酸酸甜甜什至帶有椰香，非常開胃。
.
🌟泰式乾炒河(牛) $82
炒得非常香，係用比較幼身嘅河粉炒，特別深刻係果個蛋香味真係好唔錯，而且牛肉好腍身份量又多，唯一係顏色上面感覺可以再深少少會提升整體吸引程度。
.
🌟泰國椰青 $38
正常椰青，不過呢個價錢真心抵，平過好多其他泰國餐廳。
.
🌟芒果沙冰 $36
感覺芒果味唔夠出，應該係因為奶比例高少少，不過味道唔會太甜都ok。
.
🔸整體評價🔸
餐廳最主要係性價比高，我食到9點都仲有新食客入，睇得出餐廳係區內都好受歡迎，大家如果行開呢邊都可以試試！
Post
