魂 (Closed)

嚟到星期一，踩左7日，總要放下假。行完太子，食個早飯，係酒吧街中，竟然有間門口有拉麵字眼嘅紅燈籠，就食呢間。係門口睇，私隱度幾高，要行埋去門口先睇到店內。可能係星期一關係加上6點就食，無乜人。老闆話佢地無中場落場，做到尾。座位有卡位，都幾好feel。問職員先知原來呢度係食傳統拉麵，係啲已退休嘅師傅80年代嘅「作品」，所以無話邊個地區嘅拉麵。傳統嘅餐牌，呢張係呢間鋪之前係銅鑼灣個陣已經有用到。依家係用電子落單，可以自己寫要求，麵嘅硬度，調味，要唔要配料，辣度等。佢有四款可以揀，原味就係濃嘅豬骨湯底，另外有蕃茄辣汁，墨汁豬骨同埋一款只有6點後先提供嘅青龍（菠菜味）。飲品我點咗梅子雪碧，小小梅味，幾舒服。我叫咗火魂拉麵，係咪我退步咗呢，小辣都幾辣。麵度ok而且份量都多。蛋都唔錯。朋友就叫咗太極拉麵，味道都ok，豬骨湯真係夠濃，蟹膏要俾個like，又係夠濃。餐廳環境，洗手間都係乾淨，唔錯。