媽子美點

Open Now

Now Closed

自從聯和墟育華執咗之後，想搵間好食嘅排骨飯同點心都難。呢間媽子比我嘅印象一向都麻麻，淨係知凌晨肚餓嘅時候，又或者飲完酒嘅時候無論幾夜都一樣可以有熱辣辣嘅排骨飯同點心食，不過印象中都係比較難食，環境都好似比較污糟。今日晏就行過見到好似都幾多人，食完先知原來佢早幾個月前轉咗手。今次食落啲排骨飯同以前完全唔同，排骨醃得好夠味，肉質仲好似幾嫩咁一咬就脫骨。雞扎皮簿，冬菇又大大嚿，豬皮火腿都好足料食落非常滿足。另外呢間點心店仲有提供咖啡奶茶，平時去酒樓食點心都好少會有呢個選擇，咁我當然會試返我嘅至愛凍啡多奶走甜。老實講我其實一啲期望都無，但唔知係咪咖啡豆分別，杯野我可以話比普通嘅茶記岀色好多，真係喜岀望外。呢間點心店價錢唔係最平但我一定會再幫襯，好食唔hea又唔太貴嘅小店真係太難得😚