Video
Read full review
2024-08-28
257 views
今日去咗將軍澳南岸嘅一間叫「賀天」嘅餐廳食晚餐，餐廳嘅裝修寬敞，室內既有望到師傅嘅吧枱位、舒適梳化位同包廂榻榻米位，仲有室外可以望住將軍澳海旁嘅戶外位。餐廳每日都有新鮮空運到香港嘅飛機貨，除咗餐牌上面嘅食品選項之外，記得問一問職員當日有咩新鮮嘅飛機貨，包你會搵到驚喜！餐廳仲做緊特別優惠，逢星期一、三、五、日壽司買一送一及日本清酒$98/300ml，逢星期二、四、六串燒買一送一及啤酒買二送一，真係好抵食 ！🍊岩手縣赤崎生蠔岩手縣生蠔尺寸幾大，肉質飽滿肥美，帶有creamy嘅口感，食落去有濃郁嘅海水味，師傅特製嘅豉油啫喱可以為生蠔提鮮，餐廳做緊買三送一嘅優惠，$195就食到4隻啦🍊北海道松葉蟹肉殼付海膽呢一個又係大癲，原隻北海道殼付海膽，海膽肉鮮甜嫩滑，海膽殼入面塞滿味道清甜嘅松葉蟹肉，上面鋪滿彈牙鮮甜嘅三文魚籽，成道菜簡直係味蕾嘅享受，重點係價錢只需$88，絕對係性價比高嘅選擇！不過每日限量供應，真係超級抵食！🍊大間藍鯨吞拿魚壽司我哋嗌咗大間藍鯨吞拿魚赤身、中拖羅同大拖羅壽司，壽司嘅擺盤係根據漸變顏色而擺放，非常賞心悅目，拖羅嘅肉質肥美，入口即溶，食完口腔仍然充滿濃郁嘅鮮味🍊火焰北海道右
🍊岩手縣赤崎生蠔
岩手縣生蠔尺寸幾大，肉質飽滿肥美，帶有creamy嘅口感，食落去有濃郁嘅海水味，師傅特製嘅豉油啫喱可以為生蠔提鮮，餐廳做緊買三送一嘅優惠，$195就食到4隻啦
🍊北海道松葉蟹肉殼付海膽
呢一個又係大癲，原隻北海道殼付海膽，海膽肉鮮甜嫩滑，海膽殼入面塞滿味道清甜嘅松葉蟹肉，上面鋪滿彈牙鮮甜嘅三文魚籽，成道菜簡直係味蕾嘅享受，重點係價錢只需$88，絕對係性價比高嘅選擇！不過每日限量供應，真係超級抵食！
🍊大間藍鯨吞拿魚壽司
我哋嗌咗大間藍鯨吞拿魚赤身、中拖羅同大拖羅壽司，壽司嘅擺盤係根據漸變顏色而擺放，非常賞心悅目，拖羅嘅肉質肥美，入口即溶，食完口腔仍然充滿濃郁嘅鮮味
🍊火焰北海道右口魚邊
平時多數食到火炙左口魚邊，呢間餐廳提供色彩更加尊貴嘅右口魚邊，而右口魚邊比左口魚邊口感更肥美，油脂感更重，食落更加香口惹味
🍊三文魚籽軍艦
極度推薦呢個三文魚籽軍艦，好食到要encore，食材用料非常上乘，每一粒嘅三文魚籽都非常飽滿，晶瑩剔透，咬落去有爽口爆汁嘅感覺，而且味道係鮮甜而唔係醬油漬或海水嘅鹹味，味蕾感到大滿足
🍊富山白蝦壽司
白蝦又係一個平時比較少見嘅高級食材，係由好多隻脫咗殼嘅迷你白蝦堆砌而成，食落去充滿濃郁嘅鮮味，非常驚喜
🍊松葉蟹壽司
原條松葉蟹腳壽司，肉質口感絲絲分明，食落去仲有濃郁嘅海水味同蟹鮮味，非常鮮甜
🍊其他壽司
另外仲嗌咗黃金松葉蟹肉壽司、三文魚腩壽司、日本帶子壽司、金目鯛壽司、九州油甘魚壽司、甘海老壽司、日本鯛魚壽司。食材全部都好新鮮，而且做買一送一嘅優惠真係好抵食，推介各位住將軍澳而又鍾意食日本菜嘅朋友嚟試吓！
📍將軍澳唐俊街28號海天晉滙1樓104-105號舖
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
Post
