Video
Read full review
2024-08-08
904 views
最近朋友生日，一行四人去咗尖沙咀金巴利道LAB EAT食西餐，餐廳環境位置旺中帶靜，有隱世浪漫氛圍。餐廳環境同食物質素唔錯，主打海鮮、牛扒、意粉、甜品、自家制雞尾酒等等，食物種類繁多，今次我哋揀咗Dinner For Four，非常豐富。French Oyster 法國直送生蠔，一共有八隻，每隻生蠔新鮮，肥美飽滿，肉質爽脆柔滑，入口帶有海水嘅鹹鮮味，礦物味重，餘韻悠長。Melted French Raclette Cheese with Mesclun Salad熱溶法國流心芝士沙律，店員拎住熱熔後嘅法國芝士刮落碟沙律度，芝士係可以拉絲，好療癒，沙律充滿鹹香嘅芝士味。沙津種類豐富，有幾種唔同種類嘅火腿配搭，味道鹹香，蘆筍同埋蕃茄亦係煎香過，加上炸薯角，好滿足。Black Truffle Mushroom黑松露磨菇湯，有粒粒蘑菇肉，好足料，入口香滑濃郁，加上松露醬嘅香味，濃郁菇菌味倍增。Hokkaido Scallops and Sea Urchin Risotto北海道帆立貝及海膽意大利飯，北海道帆立貝有經過煎香，帆立貝肉厚嫩滑，味道鮮美甘甜；海膽橙黃色，好新鮮，入口軟滑即溶，帶有啖啖
最近朋友生日，一行四人去咗尖沙咀金巴利道LAB EAT食西餐，餐廳環境位置旺中帶靜，有隱世浪漫氛圍。餐廳環境同食物質素唔錯，主打海鮮、牛扒、意粉、甜品、自家制雞尾酒等等，食物種類繁多，今次我哋揀咗Dinner For Four，非常豐富。
French Oyster
法國直送生蠔，一共有八隻，每隻生蠔新鮮，肥美飽滿，肉質爽脆柔滑，入口帶有海水嘅鹹鮮味，礦物味重，餘韻悠長。
Melted French Raclette Cheese with Mesclun Salad
熱溶法國流心芝士沙律，店員拎住熱熔後嘅法國芝士刮落碟沙律度，芝士係可以拉絲，好療癒，沙律充滿鹹香嘅芝士味。沙津種類豐富，有幾種唔同種類嘅火腿配搭，味道鹹香，蘆筍同埋蕃茄亦係煎香過，加上炸薯角，好滿足。
Black Truffle Mushroom
黑松露磨菇湯，有粒粒蘑菇肉，好足料，入口香滑濃郁，加上松露醬嘅香味，濃郁菇菌味倍增。
Hokkaido Scallops and Sea Urchin Risotto
北海道帆立貝及海膽意大利飯，北海道帆立貝有經過煎香，帆立貝肉厚嫩滑，味道鮮美甘甜；海膽橙黃色，好新鮮，入口軟滑即溶，帶有啖啖嘅海水鮮味。意式燉飯口感幼滑creamy，加上湯汁去燉煮帶有濃稠同埋黏性嘅口感，每粒米飯都吸收咗海鮮蕃茄湯汁精華。
Seafood Pasta
西西里島海鮮意粉，意粉掛汁，蕃茄汁濃稠，味道酸甜開胃，蝦肉有香煎過，口感爽口彈牙；青口味道鮮味十足。
American Ribeye Steak with Homemade BBQ Sauce
自制燒烤醬美國肉眼扒，牛味香濃，肉質嫩滑，顏色粉嫩，充滿油脂香，配搭自制燒烤醬，令味道層次提昇，加上爽脆口感嘅生菜同埋新鮮蕃茄仔，可以減少肉類油膩感。
Oolong Tea Green Apple Mousse Cake
烏龍茶青蘋果慕絲蛋糕，精緻嘅青蘋果外形，口感軟滑，味道帶有濃厚烏龍茶葉味，好甘香，另外加入咗青蘋果同埋檸檬皮，味道帶點微酸，好特別嘅一道甜品。
Crispy Strawberry Coconut Almond Dacquoise
脆皮士多啤梨椰子杏仁蛋白蛋糕，外型係一個粉紅色土星嘅形狀，加上金箔作為裝飾，好精緻，星球嘅外層係脆皮，內裹係柔軟嘅椰子慕絲，口感香滑，椰子味濃郁，配上新鮮士多啤梨啫喱，味道酸酸甜甜，口感特別。
Post
