Video
Read full review
2023-06-11
18 views
之前食Omakase有師傅已經介紹過呢間鐵板燒，今次專燈過嚟試佢嘅精選2人前套餐，套餐係$2,480兩位，包括有好幾款海鮮同肉。———————————————🌟帆立貝當晚食嘅第一款海鮮就係帆立貝，帆立貝表面加有烏魚子同淡雪鹽，帶出鮮味同時食落亦都唔會太咸。而且師傅燒得啱啱好，唔會成舊都全熟，食到中間仲會見到有少少半透明嘅嫩肉，食落口感同味道都更豐富。.🌟季節燒魚燒魚方面係金鯛魚，呢個真心好有特色，佢先係用特定溫度嘅油去炸，再放上鐵板燒，可以見到成個魚皮都炸起一片金黃色，非常香脆。魚皮經調味後會咸少少，配合返中間嫩滑嘅魚肉。除此以外，佢仲係用酸菜魚汁去製作，食落唔係話好辣但係食完會成個嘴都會好麻，感覺好爽。.🌟南非鮑魚鮑魚真係隻隻都好新鮮，而且可以見到師傅真係手起刀落，每個動作都好俐落。我認為另外好特別嘅地方係鮑魚片係配鮑魚肝醬，醬汁味道非常鮮甜，令到成個菜式味道再昇華。.🌟活龍蝦龍蝦都一樣非常之生猛，睇住師傅直接係鐵板上起肉，將蝦膏分開製作，加上牛油同調味料製作醬汁，當龍蝦肉燒到尾聲時先再加返蝦膏汁上去再燒。龍蝦肉食落都彈牙，不過感覺熟咗少少所以唔係一咬就到底，但整體味道都係好鮮。.🌟
之前食Omakase有師傅已經介紹過呢間鐵板燒，今次專燈過嚟試佢嘅精選2人前套餐，套餐係$2,480兩位，包括有好幾款海鮮同肉。
———————————————
🌟帆立貝
當晚食嘅第一款海鮮就係帆立貝，帆立貝表面加有烏魚子同淡雪鹽，帶出鮮味同時食落亦都唔會太咸。而且師傅燒得啱啱好，唔會成舊都全熟，食到中間仲會見到有少少半透明嘅嫩肉，食落口感同味道都更豐富。
.
🌟季節燒魚
燒魚方面係金鯛魚，呢個真心好有特色，佢先係用特定溫度嘅油去炸，再放上鐵板燒，可以見到成個魚皮都炸起一片金黃色，非常香脆。魚皮經調味後會咸少少，配合返中間嫩滑嘅魚肉。除此以外，佢仲係用酸菜魚汁去製作，食落唔係話好辣但係食完會成個嘴都會好麻，感覺好爽。
.
🌟南非鮑魚
鮑魚真係隻隻都好新鮮，而且可以見到師傅真係手起刀落，每個動作都好俐落。我認為另外好特別嘅地方係鮑魚片係配鮑魚肝醬，醬汁味道非常鮮甜，令到成個菜式味道再昇華。
.
🌟活龍蝦
龍蝦都一樣非常之生猛，睇住師傅直接係鐵板上起肉，將蝦膏分開製作，加上牛油同調味料製作醬汁，當龍蝦肉燒到尾聲時先再加返蝦膏汁上去再燒。龍蝦肉食落都彈牙，不過感覺熟咗少少所以唔係一咬就到底，但整體味道都係好鮮。
.
🌟鵝肝
鵝肝本身好大件，配上酸酸甜甜嘅青蘋果醋同麵包，味道真係非常出色。而且鵝肝燒得好香，放入口係入口即溶，而且係一咬就會有好多汁流出超Juicy。另外旁邊仲放有一小件嘅菠蘿比客人解膩，味道酸酸甜甜又冰冰地，感覺非常有效。
.
🌟日本A4和牛
師傅會先問一問您想熟成度係幾多，我哋就選擇5成左右。份量雖然睇落唔算多，但和牛都有一定厚度，一邊燒都已經聞到果陣牛味，放入口啲油脂好似即時溶化，不過我果件有少少筋，但整體都係好好味。
.
🌟茶碗蒸
茶碗蒸好滑身，上面有好香濃嘅龍蝦汁再配紫蘇花，食落味道有更多層次嘅香味，而且仲係用好精緻嘅雞蛋形狀器具裝住。
.
🌟甜品
甜品方面師範係用焦糖燒麵包，再將麵包切成一條條後砌成一座塔。麵包表面充滿住香脆嘅焦糖，但咬落可以食到柔軟嘅麵包芯，口感會比較豐富。
.
🔸整體評價🔸
餐廳環境都好新都好乾淨，師傅比人感覺所有動作都好俐落好專業，而且每一款菜式都製作嚴謹，油炸前都會用溫度計確保溫度維持於最適合嘅程度。成個套餐都算豐富，如果大家有興趣食鐵板燒都可以考慮呢一間，另外佢都仲有另一個一人前套餐包多款海鮮，鍾意食鐵板海鮮嘅朋友仔一定唔可以錯過🥰
Post
