Video
Read full review
2022-06-10
614 views
『環境雖比不上高級餐廳，味道卻頗有記憶點，魚子醬天使麵好想再食多幾碟』新開嘅呢間日法Fusion 最近成了新貴，每道菜望落都精緻誘人，價錢又相宜當然值得衝去一試🤩餐廳只有8個位置，開放式廚房可以望住主廚同副手嘅烹調過程。暫時分兩款menu，一個係5道菜(HKD780)另一款係今晚食的10道菜Full Menu(HKD1380)。菜式設計好用心，整體味道亦非常唔錯。推介🥢海膽多士🥢魚子醬天使麵🥢縞蝦🥢焦糖蘋果批————————————————————⦿ Dinner Menu (10 dishes in total)(HKD1380)◎ Tuna & Uni | 4/5吞拿魚他他脆卷，入面有柚子胡椒，加上蔥捲點綴，食落香脆油脂感重💦海膽多士則加入檸檬碎，多士外脆內軟充滿牛油味香，非常有驚喜❤◎Oyster | 3.5/5岩手縣廣田灣蠔，加入日本萬能蔥榨出的蔥油。生蠔肥美鮮甜，不過就冇咩蔥嘅味道(對我嚟講係好事🙈◎Shima-Ebi | 4/5昆布漬的縞蝦，用法國Vin Jaune黃酒，清酒，白酒醃製兩個鐘，配上柚子醋、水雲、海葡萄同炸蝦頭。酒味慢慢滲透出嚟，將蝦的鮮甜帶出◎P
『環境雖比不上高級餐廳，味道卻頗有記憶點，魚子醬天使麵好想再食多幾碟』
新開嘅呢間日法Fusion 最近成了新貴，每道菜望落都精緻誘人，價錢又相宜當然值得衝去一試🤩餐廳只有8個位置，開放式廚房可以望住主廚同副手嘅烹調過程。
暫時分兩款menu，一個係5道菜(HKD780)另一款係今晚食的10道菜Full Menu(HKD1380)。菜式設計好用心，整體味道亦非常唔錯。
推介🥢海膽多士🥢魚子醬天使麵🥢縞蝦🥢焦糖蘋果批
————————————————————
⦿ Dinner Menu (10 dishes in total)(HKD1380)
◎ Tuna & Uni | 4/5
吞拿魚他他脆卷，入面有柚子胡椒，加上蔥捲點綴，食落香脆油脂感重💦海膽多士則加入檸檬碎，多士外脆內軟充滿牛油味香，非常有驚喜❤
◎Oyster | 3.5/5
岩手縣廣田灣蠔，加入日本萬能蔥榨出的蔥油。生蠔肥美鮮甜，不過就冇咩蔥嘅味道(對我嚟講係好事🙈
◎Shima-Ebi | 4/5
昆布漬的縞蝦，用法國Vin Jaune黃酒，清酒，白酒醃製兩個鐘，配上柚子醋、水雲、海葡萄同炸蝦頭。酒味慢慢滲透出嚟，將蝦的鮮甜帶出
◎Pasta | 4.5/5
冰鎮天使麵配魚子醬，日本高湯昆布湯煮麵，加入紫蘇花、白松露油同昆布漬紫菜，完全冇落鹽😱白松露油好突出，其次係魚子醬的鹹香，麵條彈牙整體食落唔會太鹹，充滿大海的味道🌊
◎Chawamushi | 3.5/5
蟹肉茶碗蒸，山茶菇菇頭放入湯中，菇身燉煮雞湯🍄蒸蛋好滑溜，蔥花點綴但幸好蔥味唔太濃，而菇味相當搶鏡，蟹肉則僅僅增添口感，如果雞湯鹹度可以減低就更好
◎Amadai | 4/5
金目鯛立鱗燒，配刁草油+青檸皮，食落幾清新，皮薄脆挺身，魚肉肉質柔嫩
◎Chicken (+HKD340 for 2) | 3.5/5
三黃雞配七星米煮成的飯，食用時淋上黃酒汁，醬汁同三文魚子都甘甜可口，同飯好襯👅入面仲有粒粒飯焦幾脆口，不過我地就更加偏好軟腍腍冇飯焦的口感😹烤雞水準唔錯，皮燒得薄脆，雞肉多汁嫩口，係好純粹的雞味🐥不過大概皮太薄，入口會即刻變腍有d黐牙
◎Apple tart tatin with homemade ice-cream | 4.5/5
焦糖味尤其香，餅底牛油味非常突出，質地偏厚實。雲呢拿雪糕有雲呢拿籽，幾滑都唔錯，溶得超快✨
◎Seasonal Fruit | 4/5
超級甜嘅蜜瓜
————————————————————
♣️ Ankoma
☌ 尖沙咀赫德道2號金麟商業中心5樓
◔ 6pm-10pm
回頭率：🌕🌕🌕🌗🌑
環境：🌕🌕🌕🌑🌑
份量: 🌕🌕🌕🌗🌑
味道：🌕🌕🌕🌖🌑
價錢：HKD1,705p.p(incl. 10% service charge)
Post
