Video
Read full review
2024-03-10
819 views
【屯門區】【光榮冰室】今日光榮冰室嘅屯門店正式開始試業，由於大量戰友身處深圳山姆超市血拼，所以留港消費呢科嘢都係由我頂住先啦。然而，我打個比喻，足球嘅香港隊喺世界上係一支中下游嘅弱旅，但係我作為香港人係一定會支持嘅。咁同一個道理，香港人攪咗光榮冰室出嚟，我支持吓都得掛，道理好簡單。本身想叫下午茶炸髀，但佢開張冇幾個鐘，侍應話未有都冇計。咁就叫 $48 嘅全日特餐啦，「鮮牛肉湯意粉」免費轉「出前一丁」，配埋「火腿奄列」同「牛油方包」，我加 $1 轉「奶油多」，嘢飲我就飲「熱奶茶」嘅。個鮮牛肉冇乸到冇質感，有驚喜，個奄列整得有啲老，奶油多正常。熱奶茶就茶味幾濃，好飲。補多件 $26 嘅「西多士」，我落煉奶，佢係一片冇餡嗰隻西多，即炸即食都可以。價錢 $75，都係食個情懷嘅，我諗大家都理解。。。（地址：屯門河傍街155-165號雅都花園商場10A地下）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globa
然而，我打個比喻，足球嘅香港隊喺世界上係一支中下游嘅弱旅，但係我作為香港人係一定會支持嘅。咁同一個道理，香港人攪咗光榮冰室出嚟，我支持吓都得掛，道理好簡單。
本身想叫下午茶炸髀，但佢開張冇幾個鐘，侍應話未有都冇計。咁就叫 $48 嘅全日特餐啦，「鮮牛肉湯意粉」免費轉「出前一丁」，配埋「火腿奄列」同「牛油方包」，我加 $1 轉「奶油多」，嘢飲我就飲「熱奶茶」嘅。
個鮮牛肉冇乸到冇質感，有驚喜，個奄列整得有啲老，奶油多正常。熱奶茶就茶味幾濃，好飲。補多件 $26 嘅「西多士」，我落煉奶，佢係一片冇餡嗰隻西多，即炸即食都可以。價錢 $75，都係食個情懷嘅，我諗大家都理解。。。
（地址：屯門河傍街155-165號雅都花園商場10A地下）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am屯門區 #屯門 #光榮冰室 #全日特餐 #鮮牛肉湯意粉 #出前一丁 #火腿奄列 #牛油方包 #奶油多 #熱奶茶 #西多士 #1am1266 #1ambackup
Post
