Video
Read full review
2023-06-01
321 views
【屯門區】【秋田日本料理】今日入到嚟屯門，唔知去邊度食嘢好，諗起之前都喺呢頭食過幾間嘢，好似有幾多餐廳，所以就走咗過嚟。嚟到之後發現原來好多自己都食過，剩返有啲又冇開門，因此呢我當刻都有啲一籌莫展，就喺呢個時候經過呢間。見佢個門面好有日式料理感覺，不過亦都係似香港式嘅嗰種日本餐廳。唔好以為呢啲餐廳就一定係選料平庸、製作馬虎，有時呢啲小店會畀到驚喜，甚至價錢都唔貴。然而，做人最忌假設，所謂「百聞不如一見」，就入去啦。首先入到去搵個位坐低，可能客人唔多，除咗一入去嗰吓因為我存在感過低所以完全冇人見到我之外，其餘時間招呼尚算殷切。睇 menu 都冇諗太多，就諗住叫壽司嚟食，都係叫啲雜錦壽司比較穩陣，之前我都試過係咁。叫咗十件「雜錦壽司」，$82 係包括四件三文魚壽司、兩件立魚壽司、兩件蟹籽壽司、兩件呑拿魚沙律壽司。都真係比較一般，所謂嘅立魚壽司都係比三文魚壽司多啲鮮味咁解，而個呑拿魚沙律同蟹籽都幾濃，整體正常嘅。之後就梗係睇有咩小食，食啲串燒之類都好吖嘛，不過佢好似冇，唔緊要，叫個 $47 嘅「牛油炒雞腎」嚟食，整得偏細粒冇咗厚切感，但係可能本身個食法係咁，之但係佢醬油味勁過牛油味就令我覺得
見佢個門面好有日式料理感覺，不過亦都係似香港式嘅嗰種日本餐廳。唔好以為呢啲餐廳就一定係選料平庸、製作馬虎，有時呢啲小店會畀到驚喜，甚至價錢都唔貴。然而，做人最忌假設，所謂「百聞不如一見」，就入去啦。
首先入到去搵個位坐低，可能客人唔多，除咗一入去嗰吓因為我存在感過低所以完全冇人見到我之外，其餘時間招呼尚算殷切。睇 menu 都冇諗太多，就諗住叫壽司嚟食，都係叫啲雜錦壽司比較穩陣，之前我都試過係咁。
叫咗十件「雜錦壽司」，$82 係包括四件三文魚壽司、兩件立魚壽司、兩件蟹籽壽司、兩件呑拿魚沙律壽司。都真係比較一般，所謂嘅立魚壽司都係比三文魚壽司多啲鮮味咁解，而個呑拿魚沙律同蟹籽都幾濃，整體正常嘅。
之後就梗係睇有咩小食，食啲串燒之類都好吖嘛，不過佢好似冇，唔緊要，叫個 $47 嘅「牛油炒雞腎」嚟食，整得偏細粒冇咗厚切感，但係可能本身個食法係咁，之但係佢醬油味勁過牛油味就令我覺得同我預期有少少落差。
最後係「鹽燒秋刀魚」，侍應事先講明會整得耐少少，唔怕呀，反正我都要時間食頭先兩樣。慢工的確出細貨，燒得幾好，係好食，$46 攞去。嘢飲我叫咗 $23 嘅「凍檸碧」，呢餐呢幾樣嘢加埋就 $198 嘅，正常合理啦。。。
（發帖前補多句：我個位有蚊咬，處理吓佢會比較好）
（地址：屯門屯利街1號華都花園地下6號舖）
12 views
0 likes
0 comments
Post
