點盅皇朝

Open Now

Now Closed

【屯門區】【點盅皇朝】我係好耐冇做屯門區，上次做嗰時已經係咁講，冇辦法，真係比較少經過呢邊，我都唔介意畀大家笑我失德敗行。而且中間仲去咗旅行，前前後後都確實冇時間特登入到咁遠食嘢。今次我都係為咗影相先去，影巴倫紐嗰張。巴倫紐啲嘢食吸引唔到我，跟住我就去咗卓爾廣場搵嘢食，想食嗰間壽司落咗場冇得食，所以見到呢間簡簡單單就入呢間。佢舖面唔大，得四五張枱，不過有潮式粉麵食之餘又有點心，跟住又會有包點同腸粉燒賣等等嘅小食。我叫咗碗 $45 嘅「牛雜牛腩粗麵」，價錢唔算好貴，原來佢哋係 crossover 咗「潮得起牛雜腩粉麵皇」而推出潮式粉麵，攪笑。味道上，啲牛雜唔差嘅，正常水準，牛腩就幾滑，有啲薄同埋牛味一般，就叫做對得住個價錢啦。仲要咗 $6.5 嘅「壽桃包」，點菜時我叫佢做壽包被糾正，其實係唔應該叫壽包嘅，因此我都冇咩嘢。味道上就一般，冇蛋黃，得蓮蓉餡。之後叫埋 $16 嘅「雞扎」，兩扎係一樣嘅，都係嗰啲餡，味道就比較一般，冇乜特別。大家睇圖都知我仲叫咗 $10 嘅「黑芝麻豆漿」作為飲品，係凍嘅膠樽裝，我都幾懷疑係佢哋自家製嘅，不過我冇求證就算，味道都 okay 我就唔搵答案喇。夾埋咁樣就