德國熱狗 (Closed)

以舊香港為主題，有多幅舊香港background 可以打卡，仲有得🆓免費打機，包括街霸同食鬼👻。Foodie黎到梗係為食野啦😆，場內有三間食肆，三間都係黃店💛，分別係德國熱狗🌭️、茶匠以及來自長洲嘅角酪。今次係晚餐時段黎，就試左德國熱狗先啦！🌗馳名港狗🌭️ $48熱狗餡料包括一條八吋長脆皮煙肉火腿腸、煙肉、滑蛋、車打芝士，面頭再加上自製沙律醬。熱狗包夠曬鬆軟👍🏻，餡料可能因為腸仔以外仲有煙肉，所以味道較鹹，好彩夾埋滑蛋同沙律醬一齊食，就算唔飲野都唔會鹹到食唔曬。.🌗波板漢堡🍔 $48波板雞肉腸🍭較平時嘅漢堡更厚更多汁，食落更加啖啖肉，配上酸瓜🥒又開返胃，唔肚餓嘅情況下都食得曬成個（定係因為我真係太大食😛），漢堡包同熱狗包質感相似，如果可以煎一煎佢達至太脆內軟會更錦上添花💯。.轉餐+$14配汽水一罐及薯餅兩件薯餅炸到脆卜卜熱辣辣。-⚠️提提大家，憑德國熱狗收據🧾到茶匠購買飲品每杯減$5。另外食肆收得比較早，八點鐘🕗就已經開始收舖，大家7️⃣點前黎到開餐就最穩陣。