Manecy's Studio Restaurant (Closed)

日式放題食得多，德國菜放題今次真係第一次食，好有新鮮感。去咗銅鑼灣嘅 manecy's studio restaurant 食放題，成人238蚊食足九十分鐘， 選擇都算多。有任飲蘋果汁，檸茶，橙汁，仲有自助沙律吧 ，有南瓜湯，沙律同埋西班牙火腿配蜜瓜。我最鍾意食火腿配蜜瓜，因為呢度嘅蜜瓜非常甜，食咗好多。 另外叫咗招牌菜鹹豬手， 各款串燒，西班牙海鮮燴飯，芝士釀雞翼 ，選擇豐富。餐廳環境好舒適，佈置有外國氣氛 ，好適合一班朋友嚟傾計食嘢飲啤酒🍺。