Video
Read full review
2017-06-15
31163 views
真係全甜品！勁邪惡！甜品種類都算多，唔同國家嘅都有！除咗平時食開嘅芝士蛋糕、黑森林蛋糕、scone同麵包布甸之外，仲有宜家好 hit 嘅waffle格仔餅，充滿童年回憶忌廉筒⋯⋯ 芒果糯米飯細細哋，份量剛剛好，食2次就過足口癮，啱啱好！ 窩夫整得幾好，即場製作，熱辣辣出爐，倒自己鍾意嘅朱古力醬或其他果醬，加埋水果bar嘅生果，perfect！窩夫外脆內軟，唔錯！ 估唔到有珍珠奶茶布甸！布甸真係好珍珠奶茶味！好堅，而且入口滑溜，珍珠又多，不過就唔多夠煙韌！冬甩就過得去啦，我一向都麻麻喜歡食～ 銅鑼燒同草餅的出現都係意料之外嘅，前者雖然夾得唔係好靚，但紅豆餡唔會好甜，而且幼滑無渣，係我喜歡嘅紅豆餡；草餅係綠茶皮配紅豆餡，一嚿2啖，啱啱好～ 椰汁西米糕都係正常口味，好彩唔會好鹹，之前我喺其他地方食過，唔知點解會勁鹹？但呢度嘅就正常，我又食咗2件。 呢度有得食涼粉，我們都有食。豆花我無食，不過家人話幾好味～其他嘢食都係正常，無乜特別。 以下呢啲可以改善下！ 葡撻細細隻，一啖一個幾得意。蛋漿唔會好膩，不過皮就油咗啲。 千層糕個綠色好嚇人，我無食到 Cheese
芒果糯米飯細細哋，份量剛剛好，食2次就過足口癮，啱啱好！
窩夫整得幾好，即場製作，熱辣辣出爐，倒自己鍾意嘅朱古力醬或其他果醬，加埋水果bar嘅生果，perfect！窩夫外脆內軟，唔錯！
估唔到有珍珠奶茶布甸！布甸真係好珍珠奶茶味！好堅，而且入口滑溜，珍珠又多，不過就唔多夠煙韌！冬甩就過得去啦，我一向都麻麻喜歡食～
銅鑼燒同草餅的出現都係意料之外嘅，前者雖然夾得唔係好靚，但紅豆餡唔會好甜，而且幼滑無渣，係我喜歡嘅紅豆餡；草餅係綠茶皮配紅豆餡，一嚿2啖，啱啱好～
椰汁西米糕都係正常口味，好彩唔會好鹹，之前我喺其他地方食過，唔知點解會勁鹹？但呢度嘅就正常，我又食咗2件。呢度有得食涼粉，我們都有食。豆花我無食，不過家人話幾好味～其他嘢食都係正常，無乜特別。
以下呢啲可以改善下！
葡撻細細隻，一啖一個幾得意。蛋漿唔會好膩，不過皮就油咗啲。千層糕個綠色好嚇人，我無食到
Cheesecake如果太firm會好滯，但而家嘅 texture 就太鬆，好易散
朱古力Cupcake上嘅朱古力cream好濃味，係幾好！不過就大個咗少少，其實可以整細個小小，咁樣可以試多啲其他味～
每位包一杯嘢飲，總括嚟講都幾抵食，質素都ok，性價比都唔錯。我們一行6個人，坐8人大檯。座位係梳化椅，地方大，幾舒服。坐窗邊的話，就可以望到外邊嘅街景。不過無乜遮擋，算係咁～
Other Info. :
成人$98加一，小童$78加一，要預先訂位
(The above review is the personal opinion of a user which does not represent OpenRice's point of view.)
Post
