純寿司 (Moved) New Location

真係好鍾意食壽司🍣食到停唔到口，和朋友慶祝生日，叫到好似放題咁，都係300幾蚊一個。食左好多刺身和壽司，掛住食，有好多漏影相！哈哈！😄 刺身好新鮮，好好味啊！帆立貝好有鮮味，一口咬落去，海鮮的香甜就出曬黎啦。三文魚刺身又係好好食，六個人食，叫了四碟。三文魚的鮮味，肥美，好正！火炙壽司都幾好味！特別愛吃三文魚火炙壽司。芥末八爪魚的芥末好攻鼻，我食到眼汪汪，但真係好好味。芥末夠多，感覺一流。推介！甜蝦壽司配芝士醬，都幾好味，蝦味夠鮮甜。餃子一般，有少少油。整體來說，非常好味，值得推介。但店內冷氣不足，有點熱，建議唔好坐近門口位置。