Video
Read full review
2023-02-22
45 views
將軍澳的平日晚上偏靜，唔使逼又唔使等位，靜靜地搵間餐廳chill 一晚。餐廳位於商場2樓角落頭，對單譚仔三哥、另一邊為酒樓，三間餐廳自成一角，但又風馬牛不相及。OCIO 走日系風格，裝潢以淺色木系和純白色為主，餐廳面積雖然雖小，但預留一定空間俾食客，用餐感覺舒服。用電話scan QR code 落單，送餐時間就好似快餐店咁快，職員非常細心，會主動俾餐具、收拾餐桌。系統非常醒目，甜心落單後可要求後上，不過我太心急，結果甜品先上，主食後來。🍴奧斯蜜瓜雪山熱香餅 單睇擺盤都已經加分，用上半個蜜瓜，再加厚燒熱香餅配雲呢拿雪糕🍦。蜜瓜非常清甜多汁，單食已經非常吸引。中間部分加上蜜瓜味Q彈果凍。熱香餅屬於空氣感型，鬆軟香口，雪糕較淡味，用上星星餅做點綴，增加口感。🍴炭燒封門柳伴薯條（晚餐set）封門柳，肉味濃厚及鬆軟，顏色比較深沉，而且每隻牛只有一條。香煎會比較好食，揀咗5成熟，油花不及肉眼，上餐雖變7成，但未有過乾。牛排上加上牛油蛋黃醬，加少少油脂感，令整體不會太乾。另外仲有羽衣甘藍及薯條。🍴德國豬手（晚餐set）友人點了豬手，表面脆卜卜充滿香味，而肉質亦keep 到juicy。上餐時已預先切好
餐廳位於商場2樓角落頭，對單譚仔三哥、另一邊為酒樓，三間餐廳自成一角，但又風馬牛不相及。OCIO 走日系風格，裝潢以淺色木系和純白色為主，餐廳面積雖然雖小，但預留一定空間俾食客，用餐感覺舒服。
用電話scan QR code 落單，送餐時間就好似快餐店咁快，職員非常細心，會主動俾餐具、收拾餐桌。系統非常醒目，甜心落單後可要求後上，不過我太心急，結果甜品先上，主食後來。
🍴奧斯蜜瓜雪山熱香餅
單睇擺盤都已經加分，用上半個蜜瓜，再加厚燒熱香餅配雲呢拿雪糕🍦。蜜瓜非常清甜多汁，單食已經非常吸引。中間部分加上蜜瓜味Q彈果凍。熱香餅屬於空氣感型，鬆軟香口，雪糕較淡味，用上星星餅做點綴，增加口感。
🍴炭燒封門柳伴薯條（晚餐set）
封門柳，肉味濃厚及鬆軟，顏色比較深沉，而且每隻牛只有一條。香煎會比較好食，揀咗5成熟，油花不及肉眼，上餐雖變7成，但未有過乾。
牛排上加上牛油蛋黃醬，加少少油脂感，令整體不會太乾。另外仲有羽衣甘藍及薯條。
🍴德國豬手（晚餐set）
友人點了豬手，表面脆卜卜充滿香味，而肉質亦keep 到juicy。上餐時已預先切好豬手，懶鬼如我覺得非常好。
🍴墨汁帶子刺身海鮮意大利飯
上枱熱辣辣，味道唔錯。帶子啱啱好熟，非常香口。
🍴晚餐set 另外2杯飲品＋南瓜餐湯
8半入座，餐廳9點多已經不太多人，小店難做大家要多多支持!!
*Ocio 原來係西班牙文，意指「休閒」
Post
