十戶 (Closed)

👧🏽最近喺土瓜灣搵到間唔太起眼嘅居酒屋🏮食物質素同環境都幾有驚喜👅店舖裝修花咗唔少心思 由門面到店內嘅燈牌都令人感覺好似去咗日本咁🇯🇵正好一解大家嘅思鄉之愁🥺💕食物以單點為主(亦有omakase提供)主餐牌除咗有多款串燒 仲有刺身,天婦羅,玉子燒等🔻刺身沙律🥗($128)入面有三款刺身🐟全部都好新鮮👍🏼而且剌身份量仲多過沙律菜🙀加埋啲酸酸哋嘅醬汁 非常開胃🔻燒免治雞肉棒(付無菌雞蛋)🐥($42)雞肉棒用上免治雞肉同雞軟骨 質感鬆軟同時帶點咬口 加埋醬油同蛋黃一齊食 味道更豐富😋🔻豚腩肉包糖心雞蛋🥚($48)外層嘅豚腩肉燒得啱啱好🤩 入面包住隻流心蛋 外脆內軟好正💕配埋底下嘅醬汁更惹味🔻豚肩肉($48)🔻美國和牛小排($58)🔻雞翼($38)兩款肉嘅調味適中 又唔會好韌 唔錯喔雞翼個皮燒到好脆！仲熱到噴煙🙀肉質嫩滑好juicy👅🔻蘋果烤鵝肝🍎($68)味道同預期中一樣 鵝肝入口即溶🤤連埋蘋果一齊食係幾解膩 再厚身啲就好啦🤣🔻沙追魚天婦羅🐟($58)👧🏽第一次食呢隻魚 肉質好淋滑 質感有啲似實少少嘅九肚魚 幾特別前菜嘅牛舌都幾好食呢度所有串燒都係即叫即燒 非常新鮮👍🏼上枱時熱辣辣真係好正😆