久兵衛外賣壽司店 (Closed)

黃埔區一向多美食，最近喺黃埔新開咗一間壽司外賣專門店，一出黃埔港鐵站附近就到，好方便。呢度提供好多時令水產，定期喺日本新鮮空運到港，刺身壽司款式多樣，梗有一款啱大家。今次買咗丼飯，賣相吸引。久兵衛丼人氣推介久兵衛丼，即叫即整。呢款有多款新鮮食材，性價比好高，包括有拖羅、三文魚、油甘魚、北寄貝、帆立貝、魷魚、左口邊、深海池魚、三文魚子、赤蝦同日本海膽。每種魚類刺身都好新鮮，個人最鍾意呢度嘅帆立貝同埋赤蝦。拖羅厚切，魚油豐腴，入口即溶；油甘魚味道清鮮；左口邊鮮味甘香，略帶口感；帆立貝大粒厚肉爽彈，味道甘甜；北寄貝肉質爽脆；三文魚子晶瑩剔透，粒粒飽滿，脆卜卜，咬落口感一流；赤蝦大大隻，爽口彈牙；另外海膽嘅份量幾多，口感creamy帶鮮甜。最後食泡芙作為飯後甜品，大滿足。