Video
Read full review
2025-01-21
0 views
🍲祖傳老香港沙嗲鍋拼人參養生白湯鍋呢度嘅鍋底雙拼都只係加$30，價錢唔算貴☺️可以試到真材實料嘅鍋底係值得嘅🥰呢個人參養生白湯鍋，以紅棗、藥材、人參、菇類去煲，冬天飲完真係暖笠笠🥰湯頭好清甜，鍾意打邊爐清清地嘅人可以試呢款～相反，重口味嘅話一定唔可以錯過呢到嘅沙嗲鍋呀🤣沙嗲汁味道好濃郁，有好重嘅花生香味，港式沙嗲嘅味道好正😍食沙嗲鍋唔少得配出前一丁，所以都叫咗份，一份有兩個麵底👍🏻吸收晒沙嗲汁嘅精華真係食唔停口😍🐂優質本地手切牛肉 250g ($398)本地手切牛肉雪花好靚，本地牛出名肉味濃，果然無失望！肉質鮮嫩，牛味濃郁，食落好有咬口😍特別一提呢款牛淥大約10幾秒，無晒紅色就食得，咁樣嘅口感會係最好嘅🥰🦪台山蠔 ($188)呢間火鍋聽聞係主打海鮮，呢到嘅海鮮應該係招牌嚟🤣呢款台山蠔一上枱已經嚇親，手掌咁大隻嘅蠔，淥完都唔會縮水得好緊要，可以保持到個口感☺️食落都好爽好鮮🥰🍢牛骨濃汁牛丸 $88牛丸爽口彈牙，咬落裏面好多汁，充滿牛香味，非常濃郁😍🥒萵筍 $48呢度嘅萵筍有別於一般餐廳，好有創意🤩佢地將萵筍切到薄身，然後整成一朵類似花嘅形狀上碟，啲萵筍偏淺綠色，望落都好靚🤣本來以為切到咁薄口
🍲祖傳老香港沙嗲鍋拼人參養生白湯鍋呢度嘅鍋底雙拼都只係加$30，價錢唔算貴☺️可以試到真材實料嘅鍋底係值得嘅🥰呢個人參養生白湯鍋，以紅棗、藥材、人參、菇類去煲，冬天飲完真係暖笠笠🥰湯頭好清甜，鍾意打邊爐清清地嘅人可以試呢款～相反，重口味嘅話一定唔可以錯過呢到嘅沙嗲鍋呀🤣沙嗲汁味道好濃郁，有好重嘅花生香味，港式沙嗲嘅味道好正😍食沙嗲鍋唔少得配出前一丁，所以都叫咗份，一份有兩個麵底👍🏻吸收晒沙嗲汁嘅精華真係食唔停口😍
🐂優質本地手切牛肉 250g ($398)
本地手切牛肉雪花好靚，本地牛出名肉味濃，果然無失望！肉質鮮嫩，牛味濃郁，食落好有咬口😍特別一提呢款牛淥大約10幾秒，無晒紅色就食得，咁樣嘅口感會係最好嘅🥰
🦪台山蠔 ($188)
呢間火鍋聽聞係主打海鮮，呢到嘅海鮮應該係招牌嚟🤣呢款台山蠔一上枱已經嚇親，手掌咁大隻嘅蠔，淥完都唔會縮水得好緊要，可以保持到個口感☺️食落都好爽好鮮🥰
🍢牛骨濃汁牛丸 $88
牛丸爽口彈牙，咬落裏面好多汁，充滿牛香味，非常濃郁😍
🥒萵筍 $48
呢度嘅萵筍有別於一般餐廳，好有創意🤩佢地將萵筍切到薄身，然後整成一朵類似花嘅形狀上碟，啲萵筍偏淺綠色，望落都好靚🤣本來以為切到咁薄口感應該一般，但點知有驚喜👍🏻保持到爽脆口感之餘仲唔使淥咁耐先食得！
🫔即炸響鈴 ($58)
有6件即炸響鈴，一上枱見到啱啱炸起嘅響鈴脹卜卜😍已經急不及待擺落湯底，吸盡沙嗲汁嘅精華，真係好正！個人鍾意淥幾秒就食，保持到香脆口感之餘又可以吸晒湯汁精華🥰
Post
