德克士

Open Now

Now Closed

【東區】【德克士】好耐之前聽朋友講有間大陸炸雞快餐殺咗嚟香港，一直都好想食可惜苦無機會。直到最近，喺杭州個活動嗰度識到一位年青有為嘅領隊盧里奧，原來佢住北角，咁就啱喇。佢一返嚟香港我就即刻搵佢食飯，約佢咪食到囉。叫咗個 $138 嘅「歡樂桶」，主食有「雙層鐵板嫩煎雞腿堡」同「雙層香酥脆雞堡」，我食前者都 okay，盧里奧食後者，佢都冇乜意見。之後仲有「香辣雞翅」兩件同「麻辣啃骨雞」一份，都係啲辣到食唔到咩雞味嘅炸物嚟。跟住嘅「Dicos手槍雞塊」六件同中「咔滋薯霸」就合理啲，不過件「藤椒風味雞腿塊」係我食，又係好辣。講到啲嘢咁辣就實飲嘢，佢有三杯，一杯要中「百事可樂」，另外兩杯都係加 $2 要嘅「鮮橙汁」同「綠翡翠青檸飲」。係咁傾偈就唔多夠喉，每杯 $10.5 嘅價錢要咗「士多啤梨新地」同「朱古力新地」，我食前者，都可以。然後再叫咗兩杯「檸檬紅茶」，每杯 $14，係康師傅冰紅茶嚟，有啲甜。咁就食咗 $191，係我畀錢嘅，唔緊要啦。。。（地址：北角英皇道377號地下）#1amfoodie #hkig #foodie #hk #hongkong #hongkongfoodie #hkfoo