The Fat Oyster

Open Now

Now Closed

第一次同朋友黎官塘工廈覓食，就由呢棟工廈頂樓巡落黎，因為蠔嘅萬有引力比我入左黎呢間。首先吸引嘅係價錢，吓？！十蚊隻都有？老闆娘人靚熱情耐心講解，每隻蠔又唔似得第度D又話開蠔費，當日去呢度仲有幾種蠔有優惠，叫一打送半打，真係好邪惡同火都黎，點解我唔早D黎？！由於出黎揾食講個信字，我地信任老闆娘嘅介紹點左幾種蠔，仲有介紹嘅白酒。老闆娘每黎一種蠔都會講講產地，口感。我好欣賞當日佢由味濃慢慢一碟碟上到淡嘅蠔，係有層次，食落去陣淡淡海水味，就好似去左各種蠔產地嘅海洋咁，根本唔鮮係冇呢種感覺，講起佢介紹枝酒，同D蠔真係夾過好似孖仔咁，各不搶味，各有千秋，我地食嘅幾打都係貴少少嘅蠔(其實都仲係好抵❩當朋友各自都有飽飽地嘅感覺，忽然想試埋佢款十蚊蠔❨横惦都係吖嘛❩一黎到一望，殼身靚仔，係好有食欲個種，當擺落口....同上面幾種嘅肉質口感比，居然係可以各據山頭嘅美味！埋單個陣我睇睇張單抵到！絕對唔肉赤，仲笑住同朋友爭埋單，真係好滿足嘅一餐！香港如果多D呢種良心食肆你話幾好呢？簡直係好似王杰首歌咁今生無悔。@原曲王杰【今生無悔】對 蠔我喜愛每一啖爽生 平都主菜逢蠔就配去 蠔吧各地我都直講官