Video
Read full review
2021-09-07
29 views
☞ 呢間喺銅鑼灣世貿附近嘅Base 8有兩層，地下係賣Cafe輕食，而樓上就係Salon同食西餐嘅，超特別🤣今次就試咗佢個Dinner先，下次有機會先落去樓下打卡～（我想試佢樓下個Waffle呀🙈🍴三文魚他他與牛油果慕斯華夫筒 Salmon tartare and avocado stuffed waffle cone（$128）❖ 好可愛！個賣相似足mini size嘅雪糕cone🍦入面有超smooth嘅牛油果mousse，入口非常有驚喜。食多兩啖仲會有啖啖三文魚，口感好滑，配埋waffle cone食好特別👍🏻🍴卡邦尼手製意粉配香蒜、意式風乾豬面頰 Homemade spaghetti carbonara, guanciale, garlic（$158）❖ 佢唔係用正宗carbonara做法去整，不過我對呢方面無特別堅持，好食就ok😹呢個食落覺得好入味，但同時都覺得偏咸🤭而手製意粉方面覺得都係一般，無平時食開手工意粉嘅煙韌口感，呢個試一次就夠。🍴手製法國吐司與雲呢拿雪糕 Homemade Pain Perdu w/ Vanilla ice cream（$98）❖ 呢個toast雖然
☞ 呢間喺銅鑼灣世貿附近嘅Base 8有兩層，地下係賣Cafe輕食，而樓上就係Salon同食西餐嘅，超特別🤣今次就試咗佢個Dinner先，下次有機會先落去樓下打卡～（我想試佢樓下個Waffle呀🙈
🍴三文魚他他與牛油果慕斯華夫筒 Salmon tartare and avocado stuffed waffle cone（$128）
❖ 好可愛！個賣相似足mini size嘅雪糕cone🍦入面有超smooth嘅牛油果mousse，入口非常有驚喜。食多兩啖仲會有啖啖三文魚，口感好滑，配埋waffle cone食好特別👍🏻
🍴卡邦尼手製意粉配香蒜、意式風乾豬面頰 Homemade spaghetti carbonara, guanciale, garlic（$158）
❖ 佢唔係用正宗carbonara做法去整，不過我對呢方面無特別堅持，好食就ok😹呢個食落覺得好入味，但同時都覺得偏咸🤭而手製意粉方面覺得都係一般，無平時食開手工意粉嘅煙韌口感，呢個試一次就夠。
🍴手製法國吐司與雲呢拿雪糕 Homemade Pain Perdu w/ Vanilla ice cream（$98）
❖ 呢個toast雖然賣相簡單，但又同時非常eye catching，忍唔住嗌個嚟試。其實應該都係平時啲法式Toast咁浸蛋漿同牛奶再拎去煎，但值得一讚嘅係個toast入面好濕潤，唔會煎到太乾身，配埋雪糕食唔錯！不過都係價錢上有啲進取🤣
🍴朱古力三次方 Chocolate³（$70）
❖ 佢其實有普通凍朱古力，但人永遠見到better option就心郁郁想試㗎喇😹見到佢個名朱古力三次方🍫咁巴閉緊係要嗌嚟試吓，但佢盛惠70大元其實真係好貴，會對佢有一定嘅expectation。
❖ 上枱見到有一大一細嘅朱古力，店員解釋話因為大杯嗰杯有冰喺入面，驚擺得耐啲冰會融，咁朱古力就會溝淡咗陣味。所以另外有個細杯俾我等啲冰融到差唔多嗰時倒落去，咁杯朱古力就可以keep到好濃🍫呢個細心位好加分🥰而飲落的確係幾好飲！雖然都係偏甜嘅朱古力，但佢可可味好濃，飲落覺得好rich好滿足🤤唯一缺點就真係好貴🙈
☞ Overall價錢偏貴，成餐飯最推薦會係杯特濃朱古力。如果樓下輕食有賣呢杯朱古力嘅話我諗下次會再飲嘅，順便食埋佢個Waffle。但樓上西餐我就未必會再回訪了～
Post
