I Love 翠華 (Closed)

出發心情特別好，飛1點，早餐無食又預飛機delay（飛國內機），食嘢都豪啲。假期正日，機場都多人都傻，大家樂同樣多人（我平時都係飛凌晨機，通常都係食m記）突然好想食焗飯，翠華要72，而大家樂5x有埋嘢飲，豪左佢，要快！朋友揀海南雞飯，正常味，油飯油感適中，雞滑，湯夠味。三寶米線，湯夠味，米線同餸都夠味，大家都肚餓，係夠味。惟三寶有啲微辣，朋友想食四寶，因為有紫菜，睇漏左。牛筋腩麵夠味，朋友話好夠淋，好喜歡。我嘅焗飯，豬扒係好味，係我想要嘅味道，飯粒粒分明，好夠飽，好滿足。