恆香冰室 (京瑞廣場2期)

Open Now

Now Closed

【沙田區】【恆香冰室】又同東尼哥食飯，每次同佢食飯都係會大家互相就地方，而每次都會喺石門。趁呢單唔係 job，可以講多少少，東尼哥係一位我人生裡面難得地可以令我心悅誠服嘅朋友，學問淵博之餘，工作能力亦相當強。而且佢好支持我做嘅所有嘢，又喺我低潮時扶持我。同呢位益友食飯亦都唔需要大張旗鼓，求其食吓茶餐廳都得。佢食咗個 $58 嘅午餐 D，即係「香濃咖哩焗牛腩配飯」，睇個樣都幾濃幾好食，問咗佢佢都覺得唔錯。而嘢飲方面佢就加 $3 飲「凍咖啡」，咁多年佢都係呢個選擇，經驗豐富嘅佢話杯嘢唔差。我就對啲午餐提唔起興趣，最後叫咗 $70 嘅「芝士忌廉黑椒焗牛魔王飯」，勁邪惡嘅選擇。佢呢度所謂嘅牛魔王，即係牛仔骨同牛扒，肉量夠多，正。嘢飲方面我都係飲凍飲，加 $3 飲「凍檸茶走甜」，okay 嘅。夾埋張單係 $137，兩個人嚟講正正常常啦。。。（地址：沙田石門安群街1號京瑞廣場2期地下G08號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：中西區：1am1263#1amfoodie #foodie #hkfoodie #thatfoodi