Video
Read full review
2023-05-05
277 views
【沙田區】【明樂茶餐廳】對我嚟講嘅「倒塔咁早起身」其實講緊普通 office hour 已經算係，約咗朝早十點沙田開會，我居然只係遲到五分鐘，真係奇蹟。話雖如此，作為一個專業嘅教育工作者，喺會議期間我係冇打過任何「呵欠」嘅。開完會，雖然喺會議嘅中途都有啲 refreshments，包括蛋糕、提子、蜜瓜等等，不過由於我喺 break 嘅時間都要同唔同嘅朋友打招呼，訴說吓近來嘅困難之處，所以我都冇攞太多嘢食。不過叫做頂到吓肚，對於完全顆粒未進嘅我係有啲用嘅。開完會，喺會議進行點附近其實就冇嘢食嘅，所以我要行去沙田圍嗰邊搵嘢食。半島冰廳、美景牛雜粉麵、台南皇麵線原來我都寫晒。咁我就喺乙明邨食，就算係呢度，我都寫過裕珍樓，真刺激。諗唔到之下，就幫襯明樂呢間老字號茶記啦。話晒我都係一個沙田友，所以呢邊啲嘢其實我都食過唔少，最常食嘅一定係芝脆雞，嗰排收工晚晚食，不過已結業。學生時期食過翠昇茶餐廳同埋雲來粉麵，都已經走入歷史。反而明樂真係一次都未幫襯過但屹立不倒，就入去殯佢一鑊。入到去見佢有啲午餐，就算係沙薑雞飯都只係 $40，嘩，我十年前喺牛頭角返工都唔止呢個價啦，難怪佢真係坐到爆晒，係一枱難求嗰
開完會，雖然喺會議嘅中途都有啲 refreshments，包括蛋糕、提子、蜜瓜等等，不過由於我喺 break 嘅時間都要同唔同嘅朋友打招呼，訴說吓近來嘅困難之處，所以我都冇攞太多嘢食。不過叫做頂到吓肚，對於完全顆粒未進嘅我係有啲用嘅。
開完會，喺會議進行點附近其實就冇嘢食嘅，所以我要行去沙田圍嗰邊搵嘢食。半島冰廳、美景牛雜粉麵、台南皇麵線原來我都寫晒。咁我就喺乙明邨食，就算係呢度，我都寫過裕珍樓，真刺激。諗唔到之下，就幫襯明樂呢間老字號茶記啦。
話晒我都係一個沙田友，所以呢邊啲嘢其實我都食過唔少，最常食嘅一定係芝脆雞，嗰排收工晚晚食，不過已結業。學生時期食過翠昇茶餐廳同埋雲來粉麵，都已經走入歷史。反而明樂真係一次都未幫襯過但屹立不倒，就入去殯佢一鑊。
入到去見佢有啲午餐，就算係沙薑雞飯都只係 $40，嘩，我十年前喺牛頭角返工都唔止呢個價啦，難怪佢真係坐到爆晒，係一枱難求嗰隻。就算 Keep 住有人出出入入都好似冇位咁，好堅，呢個價錢做得住係勁，亦都唔怪之得咁多人幫襯。
我叫咗個「特餐」就算，食個普通至極嘅「沙嗲牛肉公仔麵」，但好有舊式茶記 feel，都係咁放蕩不羈。另外個「火腿奄烈」正常，未算煎得老，okay 嘅。「牛油方包」烘底加 $1 但係係值嘅，好食咗。杯「茶走」具水準，既香且滑，我好快飲晒。
你冇睇錯，我冇睇錯，佢都冇搞錯，我個特餐就係 $35，本身係再平啲，因為我件方包烘咗底加咗一蚊。呢個價錢我只能夠講係無可挑剔，我唔知瀝源榮樂而家咩價位，但係以呢啲常餐嚟講，喺沙田都係一個好唔錯嘅價錢，被侍應「放置」都覺得心甘命抵。。。
（地址：沙田乙明邨明信樓61-63號地下）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #1ambackup #1am0488 #globaleats #tastyfood #foodpics #followforfollowback #love #eat #1am沙田區 #沙田 #明樂茶餐廳 #乙明邨 #茶餐廳 #沙田圍 #冰室 #常餐 #特餐 #沙嗲牛肉 #茶記 #乙明
2 views
0 likes
0 comments
Post
