Video
Read full review
2023-07-11
287 views
【油尖旺區】【金域冰廳】呢排去咗啲 trip，不過我人在外地都依然 keep 住每日出 post，撐得住。不過因為第二個 trip 其實決定得有啲倉卒，所以我都真係未有足夠時間去「儲 post」。而今日就貼返一篇好耐之前嘅用餐體驗，茶記嘅話唔會爭太遠吧。有時咁耐之前嘅話都會想食返多一次先出 post，奈何時間真係緊逼，大家將就吓。咁事緣嗰次係喺探完女僕店之後，同道歉哥喺旺角搵嘢食，冇乜選擇之下就入咗呢間。入到去發現冷氣充足，座位闊落，侍應招呼都係可以嘅。我當時唔算話好肚餓，見佢有「古法秘製菠蘿包餐」就食個 $42 嘅「金牌叉燒嫩蛋菠蘿包」，加 $3 飲「凍奶茶」。就係幾片叉燒加個炒蛋再加啲沙律菜夾喺個菠蘿包入面，只能夠講係 good try 但味道係僅屬一般嘅。而道歉哥就食 $53 嘅「酸菜豬扒公仔麵」配「火腿奄列」同「丹麥多士」加 $3 飲 「凍奶茶」，啱啱道歉哥喺我隔離所以問到，佢對個麵冇乜感覺，不過就記得件厚多士幾好食。張單夾埋 $101 又唔算過份嘅，旺角充飢嚟講。。。（地址：旺角豉油街60-102號鴻都大廈地下A2號舖）
有時咁耐之前嘅話都會想食返多一次先出 post，奈何時間真係緊逼，大家將就吓。咁事緣嗰次係喺探完女僕店之後，同道歉哥喺旺角搵嘢食，冇乜選擇之下就入咗呢間。入到去發現冷氣充足，座位闊落，侍應招呼都係可以嘅。
我當時唔算話好肚餓，見佢有「古法秘製菠蘿包餐」就食個 $42 嘅「金牌叉燒嫩蛋菠蘿包」，加 $3 飲「凍奶茶」。就係幾片叉燒加個炒蛋再加啲沙律菜夾喺個菠蘿包入面，只能夠講係 good try 但味道係僅屬一般嘅。
而道歉哥就食 $53 嘅「酸菜豬扒公仔麵」配「火腿奄列」同「丹麥多士」加 $3 飲 「凍奶茶」，啱啱道歉哥喺我隔離所以問到，佢對個麵冇乜感覺，不過就記得件厚多士幾好食。張單夾埋 $101 又唔算過份嘅，旺角充飢嚟講。。。
（地址：旺角豉油街60-102號鴻都大廈地下A2號舖）
Post
