馬祖無限時台灣養生涮涮鍋

Open Now

Now Closed

【油尖旺區】【馬祖無限時台灣養生涮涮鍋】同美女朋友喺旺角搵嘢食，想搵間可以坐耐啲嘅餐廳，我推薦試呢間無限時嘅台式任食火鍋。之前同震華哥食過一次，今次推薦畀美女朋友再試。同上次一樣，我哋都係食佢哋嘅「台灣養生涮涮鍋吃到飽套餐」嘅最貴嗰個，始終係同美女朋友食，不敢怠慢。湯底「藥膳椰子雞涮涮鍋」一上就勁香椰子味，個餐就主要食「極上 Prime Grade 霜降牛小排」、「極級 Prime Grade 安格斯牛頸脊」、「西班牙伊比利亞黑毛豬」、「Prime Grade 美國安格斯牛肉」、「西班牙無激素豬肉片」，我就不停翻兜牛小排呀。個套餐就包咗一個小食，係佢哋嘅「黃金地瓜條」，脆口得嚟蕃薯味又香，又可以自己加味粉。而佢哋其他火鍋料質素都高，例如「是日精選海鮮」嘅「沙白蜆」，隻隻都好肥美，又鮮嫩多汁。另外「手工墨魚滑」同「爆漿濃芝牛丸」都係我較為中意嘅 。飲品櫃除咗有罐裝飲品，仲有自家製冷泡茶。不過我同上次一樣都係貢咗去佢哋個熱飲櫃，奶類同茶類都有。最後一人可以揀一樣甜品，Dreyers 同 Movenpick 嘅選擇都有，正。埋單 $1016，無限時任食牛小排真係冇得輸，係飲飲食食傾吓偈嘅不二